અપમાનજનક / VIDEO:અમેરિકામાં ભારતીયો વિરુદ્ધ બીજી વખત વંશીય હુમલો, ગંદી ગંદી ગાળો આપી મોઢા પર થૂંકયો શખ્સ

• અમેરિકામાં ફરી વંશીય હુમલો થયો
• મૂળ ભારતીયને અપશબ્દો કહેવામાં આવ્યા
• "તમે હિન્દુ છો જે ગૌમૂત્રથી સ્નાન કરે છે"

અમેરિકાના કેલિફોર્નિયામાં ભારતીય-અમેરિકન વ્યક્તિ પર વંશીય હુમલાનો વીડિયો વાયરલ થઇ રહ્યો છે. તાજેતરમાં ટેક્સાસ (USA)ની એક મેક્સિકન-અમેરિકન મહિલાએ ચાર ઇન્ડો-અમેરિકન ભારતીય મહિલાઓ સાથે વંશીય દુર્વ્યવહાર કર્યો હતો અને તેમની સાથે મારપીટ કરી હતી. ત્યારે બીજો હમણાંજ બનેલ કેસમાં 37 વર્ષીય આરોપી શીખ સમુદાયનો હોવાનું કહેવાય છે, જેનું નામ તેજિંદર સિંહ છે. તેજિંદર સિંહ ભારતીય મૂળના અમેરિકન નાગરિક હોય તેવું કહેવાયું છે. ફ્રેમોન્ટ પોલીસ ડિપાર્ટમેન્ટે તેજેન્દર સામે નાગરિક અધિકારોનું ઉલ્લંઘન, હુમલો કરવા અને વાંધાજનક ભાષા દ્વારા શાંતિ ભંગ કરવાના આરોપસર હેટ ક્રાઇમનો કેસ નોંધ્યો છે.

આરોપી ભારતીય-અમેરિકન
આ હેટ ક્રાઇમ 21 ઓગસ્ટના રોજ કેલિફોર્નિયાની ટાકો બેલ રેસ્ટોરન્ટમાં થયો હતો. કૃષ્ણન જયરામન જ્યારે રેસ્ટોરન્ટમાં પોતાનો ઓર્ડર લેવા ગયા ત્યારે તેના પર વંશીય હુમલો કરવામાં આવ્યો હતો. આરોપીઓએ તેમને કહ્યું, "તમે હિન્દુ છો જે ગૌમૂત્રથી સ્નાન કરે છે. અને સાથે જ તે મોટેથી અને અભદ્ર શબ્દો બોલતો રહ્યો.

This man went out to get a burrito in the US, but he ended up a victim to anti-Hindu slurs.

TW: abusive and racist slurs pic.twitter.com/VmDXy8Lvld

— Brut India (@BrutIndia) August 31, 2022

જાહેરમાં ગાળો આપી
પીડિતા જયરામને જણાવ્યું કે આરોપીએ તેને અપશબ્દો કહ્યા હતા અને જાહેર સ્થળે ન આવવા ધમકી આપી હતી. આરોપ છે કે ભારતીયો માટે અપમાનજનક ભાષાનો ઉપયોગ કરીને તેજિંદરે જયરામનના ચહેરા પર બે વાર થૂંક્યો હતો. પાછળથી જયરામન હુમલાખોરના શબ્દો અને ઉચ્ચારણ પરથી સમજી ગયો કે તે પણ ભારતીય મૂળનો માણસ છે. જયરામને મીડિયાને જણાવ્યું હતું કે "સાચું કહું તો હું ખુબ ડરી ગયો હતો. એક તરફ મને ગુસ્સો પણ આવતો હતો, મને ડર હતો કે જો આ માણસ ખૂબ ભડકી જશે અને પછી મારી પાછળ આવશે તો શું થશે."

પોલીસે ઘટનાને ગંભીર ગણાવી
પોલીસ ચીફ સીન વોશિંગ્ટને લખ્યું હતું કે, "અમે નફરતની ઘટનાઓ અને નફરતના ગુનાઓને ગંભીરતાથી લઈએ છીએ અને સમુદાય પર તેની નોંધપાત્ર અસરને સમજીએ છીએ." આ ઘટનાઓ નિંદનીય છે. અમે અહીં લિંગ, જાતિ, રાષ્ટ્રીયતા, ધર્મ અને અન્ય મતભેદોને ધ્યાનમાં લીધા વિના તમામ સમુદાયોના લોકોની સુરક્ષા માટે આવ્યા છીએ. સાથે વધુમાં જણાવ્યું હતું કે લોકોએ એક બીજાના સમુદાયનું સન્માન કરવું જોઈએ અને જો આવી ઘટના સામે આવે તો તરત જાણ કરવી.