સુરતઃ અજીબ હરકતો કરતું દર્દી થયું દાખલ સિવિલનો સ્ટાફ પણ રહી ગયો દંગ જાણો શું થયો રોગ?

સુરતઃ શહેર સિવિલ ખાતે એક દર્દીને લાવવામાં આવ્યું હતું. જે દર્દીની હરકતો જોઇને સિવિલનો સ્ટાફ પણ દંગ રહી ગયો હતો. આ દર્દીની પાસે પાણીની બોટલ લઇ જાઓ તો પણ તે ગભરાતો હતો. પંખા પવન અને આસપાસના લોકોથી પણ ગભરાતો હતો. જ્યારે તેના રિપોર્ટ કરાવવામાં આવ્યા ત્યારે માલૂમ પડ્યું કે દર્દીને હડકવા થઇ ગયો છે.

શું છે સમગ્ર ઘટના?
સુરત સિવિલ ખાતે દિપકકુમાર રાજકિશોર સિંગની તબિયત ખરાબ હોવાને કારણે લાવવામાં આવ્યો. મૂળ બિહારનો વતની દિપક અહીં રોજગારી શોધવા માટે આવ્યો હતો. તબિયત ખરાબ થતાં તેને સુરત સિવિલ લાવવામાં આવ્યો. ત્યાર બાદ તેની હરકતોથી સુરત સિવિલનો સ્ટાફ પણ આશ્ચર્યચકિત થઇ ગયો હતો. તેની સામે પાણીની બોટલ લઇ જવામાં આવે તો તે ડરતો હતો. લોકો ભેગા થાય તો પણ ડરતો હતો. સાથો સાથ પંખાના પવનથી પણ ડરતો હતો.

આ જોઇને સિવિલ સ્ટાફને તો ખ્યાલ આવ્યો કે તેને હડકવાનો રોગ થયો છે. પરંતુ રિપોર્ટ બાદ આ કન્ફર્મ થયું કે ખરેખર તેને હડકવા છે. આ દર્દીનો કેસ સ્ટડી કરતા માલૂમ પડ્યું કે ત્રણ મહિના પહેલા તેના ગામમાં જમણા પગમાં કૂતરૂ કરડી ગયું હતું. જેની સારવાર ન લેવાને કારણે તેને આ રોગ થયો છે.

સામાન્ય રીતે ડોગ બાઈટના ઇન્જેકશન ખૂબજ આસાનીથી મળી રહે છે. પરંતુ જો કોઈ તે સમયપર તે ઇન્જેકશન નથી લેતું તો તેની હાલત દિપક જેવી થાય છે. સિવિલના ડોકટરો હાલમાં દીપકને સારવાર આપી ફરી સ્વસ્થ કરવાનો પ્રયત્ન કરી રહ્યા છે.