ભારતના ટોપ સ્પિનર રવિચંદ્રન અશ્વિને શનિવારે કાનપુરામાં રમાઈ રહેલી ટેસ્ટ મેચના ત્રીજા દિવસે ઈતિહાસ રચી દીધો છે. રવિચંદ્રન અશ્વિનને ટેસ્ટ ક્રિકેટમાં પોતાનો 415માં વિકેટ ઝડપીને પાકિસ્તાનના દિગ્ગજ વસીમ અક્રમને આ મામલે પાછળ છોડી દીધો છે. અશ્વિનના કુલ 416 વિકેટ થઈ ગયાં છે ખાસ વાત એ છે કે, અશ્વિનને આ કમાલ માત્ર 80માં ટેસ્ટ મેચમાં કરી દીધો છે. ટેસ્ટ ક્રિકેટમાં સૌથી વધુ વિકેટ લેવાના મામલે હવે રવિચંદ્રન અશ્વિન 14માં નંબરે પહોચી ગયો છે. જ્યારે પૂર્વ ભારતીય સ્પિનર હરભજન સિંહના 417 વિકેટના રેકોર્ડથી માંત્ર બે વિકેટ દૂર રહ્યાં છે.
રવિચંદ્રન અશ્વિનનો ટેસ્ટ રેકોર્ડ
-80 મેચ
-416 વિકેટ
-24.63 એવરેજ
-5 વિકેટ -30 વખત
-10 વિકેટ-7 વખત
રવિચંદ્રન અશ્વિનને આ સાથે એક સાથે શાનદાર રેકોર્ડ પોતાના નામે કરી દીધો છે. વર્ષ 2021માં ટેસ્ટ મેંચમાં સૌથી વધુ વિકેટ લેવા વાળા રવિચંદ્રન અશ્વિનનું નામ સૌથી ઉપર છે. વર્ષ 2021માં રવિચંદ્રન અશ્વિનના 40 વિકેટ થઈ ગઈ છે. જ્યારે પાકિસ્તાની શાહીન અફરીદીની 39 વિકેટ છે.