પર્થમાં ભારતીય ટીમને દક્ષિણ આફ્રિકાની સામે ટી 20 વર્લ્ડ કપની મેચમાં 5 વિકેટથી પરાજય મળ્યો છે. ઑફ સ્પિનર અશ્વિનની પાસે ડેવિડ મિલરને રન આઉટ કરવાની તક હતી. પરંતુ તેણે છોડી દીધી.
દક્ષિણ આફ્રિકા સામેની મેચમાં ભારતીય ટીમનો કરૂણ રકાસ
અશ્વિનની પાસે ડેવિડ મિલરને રન આઉટ કરવાની તક હતી
અશ્વિને ડેવિડ મિલરને રન આઉટ ના કર્યો
અશ્વિને ડેવિડ મિલરને ના કર્યો રન આઉટ
ભારતીય ઑફ સ્પિનર રવિચંદ્રન અશ્વિન દક્ષિણ આફ્રિકા સામે ટી20 વર્લ્ડ કપની મેચમાં રવિવારે ખૂબ મોંઘો સાબિત થયો. તેણે 10થી પણ વધુ ઈકોનોમી રેટથી રન આપ્યાં. આ દરમ્યાન અશ્વિનની પાસે એક એવી તક હતી જ્યારે તે ડેવિડ મિલરને આઉટ કરી શકતો પરંતુ અશ્વિને આઉટ કર્યો નહીં. હવે આ વીડિયો ખૂબ વાયરલ થઇ રહ્યો છે. ભારત આ મેચ 5 વિકેટથી હારી હતી.
નંબર-2 પર આવ્યું ભારત
ભારતીય ક્રિકેટ ટીમે ટી20 વર્લ્ડ કપની હાલની એડિશનમાં પહેલી વખત હારનો સામનો કર્યો. રોહિત શર્માની આગેવાનીવાળી ટીમને પર્થમાં દક્ષિણ આફ્રિકાએ પાંચ વિકેટથી હરાવી. ભારત હવે પોતાના ગ્રુપમાં નંબર-2 પર જતુ રહ્યું છે. ભારતીય ટીમના ત્રણ મેચમાંથી 4 પોઈન્ટ છે, જ્યારે ટોપમાં રહેલી દક્ષિણ આફ્રિકાના આટલી જ મેચમાં 5 પોઈન્ટ થયા છે. ત્રીજા નંબરે બાંગ્લાદેશ છે, જેના 4 પોઈન્ટ છે અને 3 પોઈન્ટની સાથે ઝીમ્બાબ્વે ચોથા ક્રમાંકે છે.
આ દરમ્યાન ઑફ સ્પિનર રવિચંદ્રન અશ્વિનનો એક વીડિયો સોશિયલ મીડિયામાં વાયરલ થયો છે. આ પર્થ ટી-20 વખતનો છે. આ મેચમાં અશ્વિનની પાસે ડેવિડ મિલરને રન આઉટ કરવાની તક હતી, પરંતુ તેણે છોડી દીધી. ટી20 વર્લ્ડ કપના ઈન્સ્ટાગ્રામ એકાઉન્ટ પર આ વીડિયોને શેર કરવામાં આવ્યો છે. અશ્વિને આ મેચમાં 4 ઓવરમાં 43 રન આપ્યાં અને એક વિકેટ લીધી.