નાગરિકતા સંશોધન કાયદો CAA પર મોદી સરકાર સામે ખુલીને અવાજ ઉઠાવી રહેલ કોંગ્રેસે આસામમાં એક મોટો દાવ ખેલ્યો છે. કોંગ્રેસ ધારાસભ્ય દળના નેતાએ ભાજપના નેતા અને મુખ્યમંત્રી સર્બાનંદ સોનોવાલને ઓફર આપી છે કે આસામના હિતમાં સરકારમાંથી રાજીનામું આપી વૈકલ્પિક સરકારનું ગઠન કરે.
કોંગ્રેસનો આસામમાં એક મોટો દાવ
મુખ્યમંત્રી સર્બાનંદ સોનોવાલને આપી ઓફર
આસામના હિતમાં સરકારમાંથી આપે રાજીનામું
કોંગ્રેસ ધારાસભ્ય દળના નેતા અને નાજિરા વિધાનસભાના ધારાસભ્ય દેવબ્રત સાઇકિયાએ મુખ્યમંત્રી સર્બાનંદ સોનોવાલને આ ઓફર આપી છે. સાઇકિયાએ તેની પાછળ આસામની અસ્મિતાને લઇને હવાલો આપ્યો છે. દેવબ્રતે કહ્યું કે સર્બાનંદ રાજ્યના હિતમાં એક એવી સરકાર બનાવીએ જે આશામના અકૉર્ડ ને સમર્થન કરે અને નાગરિકતા સંશોધન કાયદાને આસામમાં લાગૂ કરવાથી રોકી દઇએ.
કોંગ્રેસ ધારાસભ્ય દેવબ્રતને ગત વર્ષ ડિસેમ્બરમાં સંસદના બંને સદનોમાં પાસ થયેલ નાગરિકતા કાયદાને આસામમાં અકૉર્ડનું ઉલ્લંઘન બતાવ્યું છે. આ સાથે જ તેમણે વિપક્ષી દળ હોવાના કારણે આસામ વિધાનસભામાં આસામ અકૉર્ડ લાગુ કરવાના પ્રસ્તાવને પાસ કરવામાં આવે અને નાગરિકતા સંશોધન કાયદાને લાગુ કરવા પર રોક લગાવામાં આવે.
કોંગ્રેસ ધારાસભ્યએ આસામના રાજ્યપાલને પણ આસામ અકૉર્ડ લાગુ કરવાની ભલામણ કરી અને મુખ્યમંત્રી સર્બાનંદ સોનોવાલને જણાવ્યું છે કે જો જરૂરિયાત પડે તો તેમને રાજ્યના હિતમાં ભાજપ સરકાર છોડી વૈકલ્પિક સરકાર બનાવી જોઇએ.