ચોમાસું શરૂ થતા પહેલા કોર્પોરેશન દ્વારા પ્રિમોન્સુનની કામગીરી કરવાની હોય છે પણ વડોદરામાં કોર્પોરેશન દ્વારા જાણે લોકોના માટે મોતના ખાડા ખોદીને રાખવામાં આવ્યા હોય તેવું લાગે છે
વડોદરામાં કોર્પોરેશનના પાપે લોકોના જીવ જોખમમાં મુકાઈ રહ્યા છે. અકોટા શ્રેણિક પાર્ક સર્કલ પાસે રસ્તા પરના ખાડાના કારણે એક દંપતી પટકાયા હતા. પાલિકાએ ખોદેલા ખાડાના લીધે દંપતી ગંભીર રીતે પટકાયા હતા. વરસાદીના પાણીથી ભરાયેલા ખાડામાં સ્કૂટર ફંગોળાયું હતું. સમગ્ર ઘટનાના સીસીટીવી પણ સામે આવ્યા છે. આ પ્રકારની બેદરકારીના કારણે લોકોના જીવ પણ જઈ શકે છે. પરંતુ તંત્રના અધિકારીઓના પેટનું પાણી હલતું નથી. દંપતીને અકસ્માતમાં સામાન્ય ઈજાઓ થઈ હતી.
ગુજરાતમાં હવામાનને લઈ મોટા સમાચાર સામે આવી રહ્યા છે આગામી 3 દિવસ રાજ્યમાં ભારે વરસાદની આગાહી કરાઈ રહી છે રાજ્યના કેટલાક વિસ્તારમાં ભારે થી અતિભારે વરસાદ પડી શકે છે. જ્યારે સૌરાષ્ટ્ર અને કચ્છમાં હળવો વરસાદ પડી શકે છે. હવામાન વિભાગની આગાહી અનુસાર દક્ષિણ ગુજરાત, વલસાડ, ડાંગમાં ભારેથી અતિભારે વરસાદ પડવાની સંભાવનાઓ વ્યક્ત કરવામાં આવી છે તો ઉત્તર ગુજરાતમાં પણ ભારે વરસાદની શક્યતાઓ સેવાઈ રહી છે
3 દિવસ રાજ્યમાં ભારે વરસાદ પડશે
રાજ્યમાં સુરત, નવસારી, વલસાડમાં ભારે વરસાદની શક્યતા આ તરફ દમણ, દાદરાનગર હવેલી, બનાસકાંઠા, પાટણમાં વરસાદની આગાહી કરવામાં આવી રહી છે. હવામાન વિભાગે જણાવ્યું છે તે પ્રમાણે અરવલ્લી, આણંદ, દાહોદ, મહીસાગર, ભરૂચમાં ભારે વરસાદ પડી શકે છે.
રાજ્યમાં ભારે વરસાદની આગાહી
વરસાદની નવી સિસ્ટમ સક્રિય થતા ડાંગ, તાપી, જામનગર, મોરબી, દ્વારકા, કચ્છમાં ભારે વરસાદ પડવાની સંભાવના જોવામાં આવી રહી છે સમગ્ર રાજ્યમાં 25 જુલાઇથી સાર્વત્રિક વરસાદ થાય તેવુ મનાઈ રહ્યું છે ત્યારે મધ્ય-દક્ષિણ ગુજરાતમાં મેઘરાજ મૂશળધાર વરસી શકે છે આ તરફ સૌરાષ્ટ્રના જૂનાગઢ, દ્વારકા, અમરેલીમાં પણ ગાજવીજ સાથે મેહુલો વરસી શકે છે.
રાજ્યમાં સાર્વત્રિક વરસાદની શક્યતા
રાજ્યમાં હવામાન વિભાગે આગાહી વ્યક્ત કરી છે જેમાં જણાવાયું છે કે ગુજરાત સહિત અનેક જિલ્લાઓમાં વરસાદનું જોર વધી શકે છે. આજથી બંગાળની ખાડીમાં લો પ્રેશર સક્રિય થતા ફરી ચોમાસું જામશે તેવા સંકેત હવામાન વિભાગ દ્વારા મળી રહ્યા છે.
ગુજરાતમાં વધી શકે છે વરસાદનું જોર
લો પ્રશેર સર્જાવાને લીધે ગુજરાત સહિત દક્ષિણ ગુજરાતમાં ભારે વરસાદને શક્યાતાઓ જોવા મળી રહી છે સાથે જ સમગ્ર રાજ્યમાં સાર્વત્રિક વરસાદ ખાબકી શકે છે.આવતી કાલથી રાજ્યમાં ફરી ધીમે ધીમે વરસાદની શરૂઆત થઈ શકે છે અને આગામી દિવસોમાં વરસાદનું જોર વધી શકે છે. હવામાન વિભાગે જણાવ્યું છે કે આગામી 26મી જુલાઈ સુધી રાજ્યમાં સાર્વત્રિક વરસાદ પડી શકે છે.
ગુજરાતમાં સાર્વત્રિક વરસાદની શક્યતા
અમદાવાદ, ગાંધીનગર, વડોદરા, રાજકોટ સહિત રાજ્યના મોટા શહેરમાં પણ સારો એવો વરસાદ પડી શકે છે હવામાન વિભાગની આગાહી અનુસાર દક્ષિણ ગુજરાથી લઈને કેરળના દરિયા કિનારા સુધી સિસ્ટમ સક્રિય બનતા અતિથી ભારે વરસાદની આગાહી સેવાવવામાં આવી રહી છે.