- ક્વીન એલિઝાબેથને હજારો લોકો શ્રદ્ધાંજલિ આપવા પહોચ્યા
- એક વ્યક્તિએ લાઈન તોડીને અંદર ઘૂસવાનો પ્રયાસ કર્યો
- સુરક્ષાકર્મીઓએ કાર્યવાહી કરીને તરત જ આ શખ્સને પકડી પાડ્યો
લોકો શ્રદ્ધાંજલિ આપી શકે તે માટે ક્વીન એલિઝાબેથ દ્વિતિયની શબપેટી વેસ્ટમિંસ્ટર હોલમાં રાખવામાં આવી છે. જાણકારી મુજબ પોલીસની ટીમે એક વ્યક્તિની ધરપકડ કરી છે. આરોપ છે કે તે લાઇન તોડવાનો પ્રયાસ કરી રહ્યો હતો અને શબપેટીની નજીક બળજબરીથી જઇ રહ્યો હતો. હાલ તેની પૂછપરછ ચાલી રહી છે.
સુરક્ષામાં ચૂંક આવી હતી
શનિવારે સંસદીય અધિકારીઓએ કહ્યું હતું કે, મહારાણી એલિઝાબેથ દ્વિતીયના શબપેટીને અંતિમ શ્રદ્ધાંજલિ આપવા માટે હજારો લોકો પહોંચી રહ્યા છે. આ દરમિયાન લાઈનમાં ઉભેલા એક વ્યક્તિએ અચાનક બધાને પાછળ છોડીને શબપેટી પાસે આવવાનો પ્રયાસ કર્યો. સ્થળ પર હાજર સુરક્ષાકર્મીઓએ કાર્યવાહી કરીને તરત જ આ શખ્સને પકડી પાડ્યો હતો. તેને જમીન પર સુવડાવી કાબુમાં લીધો હતો અને પછી તેને કાર્યક્રમમાંથી બહાર કાઢવામાં આવ્યો હતો. હાલ તેની પૂછપરછ કરવામાં આવી રહી છે કે આવું કરવા પાછળનું કારણ શું છે. તે સુરક્ષામાં ભારે ક્ષતિઓનો કેસ છે.
શ્રદ્ધાંજલિ માટે લોકોની લાંબી લાઈનો લાગી
જાણકારી અનુસાર વેસ્ટમિંસ્ટર હોલ ખાતે રાણીના શબપેટીને આપવામાં આવી રહેલા શ્રદ્ધાંજલિ કાર્યક્રમમાં લોકો મોટી સંખ્યામાં પહોંચી રહ્યા છે. કડકડતી ઠંડી છતાં લોકોનો ઉત્સાહ ઓછો થતો નથી. સંસદીય અધિકારીઓએ જણાવ્યું હતું કે હજારો લોકો આવી રહ્યા છે. આ બતાવે છે કે લોકોને રાણી પર અતૂટ વિશ્વાસ હતો અને તેઓ આ એતિહાસિક ક્ષણનો ભાગ બનવા માંગે છે. વેસ્ટમિંસ્ટર હોલમાં આ કાર્યક્રમ સોમવારે સવાર સુધી ચાલુ રહેવાનો છે. આ પછી, રાણીના મૃતદેહને રાજ્યના અંતિમ સંસ્કાર માટે લઈ જવામાં આવશે. બ્રિટિશ ઇતિહાસમાં સૌથી લાંબા સમય સુધી શાસન કરનારી રાણીની યાદમાં 10 દિવસનો રાષ્ટ્રીય શોક જાહેર કરવામાં આવ્યો છે.
70 વર્ષ સાશનમાં રહ્યા હતા.
96 વર્ષીય એલિઝાબેથ દ્વિતીયનું 70 વર્ષના શાસન બાદ 8 સપ્ટેમ્બરના રોજ સ્કોટલેન્ડમાં અવસાન થયું હતું. અમેરિકાના રાષ્ટ્રપતિ જો બિડેન અને જાપાનના સમ્રાટો નારુહિતો અને સામ્રાજ્ઞાી મસાકો સહિત વિશ્વભરના સેંકડો રાષ્ટ્રાધ્યક્ષો, રાજવીઓ અને રાજકીય નેતાઓ અંતિમ સંસ્કારમાં ભાગ લેવા માટે લંડન જઈ રહ્યા છે. રાજ્યના અંતિમ સંસ્કારમાં રાણીના પાર્થિવ દેહને તેના દિવંગત પતિ પ્રિન્સ ફિલિપના મૃતદેહની સાથે દફનાવવામાં આવશે. ગયા વર્ષે તેમનું અવસાન થયું હતું.
