તાપીઃ વ્યારાના કસવાવ ગામે ક્વોરીમાં બ્લાસ્ટ થતા ગામમાં કપચી ઉડી હતી. જેના કારણે અનેક ઘરોને નુકસાન પહોંચ્યું હતું. જોકે આ અંગે ગ્રામજનોએ ક્વોરીના માલિકને કહ્યું પરંતુ તેણે એકપણ વાત ન સાંભળતા ગ્રામજનો પર હુમલો કરાવ્યો હતો.
ગ્રામજનોએ કપચીનો ટ્રક અટકાવતા કેટલાક શખ્સોએ હથિયાર સાથે ગ્રામજનો પર હુમલો કર્યો હતો. જેમાં 3 લોકો ગંભીર રીતે ઘાયલ થયા છે. જેમને સારવારઅર્થે હોસ્પિટલ ખસેડવામાં આવ્યા છે.
જોકે રોષે ભરાયેલા લોકોએ 2 કાર અને એક ટ્રકને નિશાન બનાવતા તોડફોડ કરી હતી. જોકે ગ્રામજનો પર જે લોકોએ હુમલો કર્યો હતો. તેમની કારમાંથી પોલીસને કેટલાક આઈકાર્ડ અને રાજકીયપક્ષના ખેસ મળી આવ્યા છે. હાલ પોલીસે સમગ્ર મામલાને લઈને અજાણ્યા શખ્સો સામે તપાસ હાથ ધરી છે.
પોલીસના સાઈન બોર્ડ અને રાજકીય પક્ષના ખેસ પણ મળ્યાની ચર્ચા. પરિસ્થિતિ ધ્યાને રાખીને જિલ્લાના ઉચ્ચ પોલીસ અધિકારીઓ ઘટનાસ્થળે પહોંચી હતી. ગ્રામજનોએ અગાઉ ક્વોરી બંધ કરાવવા તંત્રને રજૂઆત કરી હતી.