Coronavirus / લોકડાઉન સમયે સમાધાન ન કરો, ઘરમાં ફરજીયાત રાખો આ ચ‌ીજ-વસ્તુ

• કોરોનાને પગલે ઠેર-ઠેર લોકડાઉનની સ્થિતિ
• ઘરમાં જરૂરીયાત મુજબની ચીજ વસ્તુઓને કરો સ્ટોર

આ લોકડાઉનના સમયગાળામાં આપને તથા આપના પરિવારને ખાણી-પીણીમાં કોઇ સમસ્યા ન થાય તે માટે કેટલીક ચીજ-વસ્તુઓ પહેલેથી જ સ્ટોર કરી રાખવી વધુ યોગ્ય છે. ત્યારે શું છે આ ચીજ વસ્તુઓનું લીસ્ટ જે અમે આપને જણાવીશું. 

જરૂરીયાત મુજબના અનાજ ભરી રાખવા 

જો તમે લોકડાઉન દરમિયાન કેટલાક હેલ્ધી સ્ટોર્સ કરવા માંગતા હોવ તો અનાજ, ચોખા, ઓટમીલ અને બાજરી એ બેસ્ટ ઓપ્શન છે. જ્યારે પણ તે બજારમાંથી ખરીદો ત્યારે ધ્યાનમાં રાખો કે તેના પેકેટ્સ સંપૂર્ણપણે સીલ થયેલી સ્થિતિમાં છે. ગરમી, હવા અને ભેજ તેમના શત્રુ છે. બધા આખા અનાજને એરટાઇટ કન્ટેનરમાં સંગ્રહિત કરવા જોઈએ.

જરૂરીયાત મુજબના શાકભાજીનો કરી રાખો સ્ટોક 

શક્કરીયા, ગાજર, બટેટા જેવી શાકભાજી દરરોજ ખાવી જોઈએ. આ શાકભાજીને ફાઈબરની ટોપલીમાં મૂકો. જો તમે તેને ફ્રિજમાં રાખી રહ્યા છો, તો તેને વિવિધ ખૂણામાં રાખો. તેમને ધોવા અને રેફ્રિજરેટરમાં રાખવા તે વધુ સારી બાબત છે.

જરૂરીયાત મુજબના ડ્રાય ફ્રુટ્સ ખરીદી લેવા 

ડ્રાય ફ્રુટ્સ લાંબા સમય સુધી રહે છે અને બગડતા પણ નથી. ત્યારે ડ્રાય ફ્રુટ્સ વર્ક ફ્રોમ હોમ કરતી વખતે નાસ્તા તરીકે ખાઈ શકાય છે, તેથી તે ખરીદવાનું બિલકુલ ભૂલશો નહીં. ડ્રાય ફ્રુટ્સ રેફ્રિજરેટર અથવા ફ્રીઝરમાં સ્ટોર કરવા ફાયદાકારક છે. 

જરૂરી ફ્રુટ્સનો કરો સંગ્રહ 

લોકડાઉન સમયે સફરજન, કેળા, સંતરા, દાડમ જેવા ફળો ભૂખ ભાંગવા માટે ખૂબ જ ઉત્તમ છે. તો કેળાને ફ્રીજમાં ન રાખવા જોઇએ નહીંતર તે ખૂબ ઝડપથી બગડી જસે. તો સફરજનને ફ્રીજમાં જ રાખો કારણ કે ગરમીને કારણે તે બહાર હશે તો બગડી જશે.

દૂધ, માખણ, પનીરનો કરો સંગ્રહ 

ચા અને કોફી બનાવવા માટે દૂધ ખૂબ અગત્યનું છે. આવી સ્થિતિમાં, તમે ટ્રટ્રા પેકવાળા દૂધ ખરીદીને દૂધનો સંગ્રહ કરી શકો છો. આ સાથે જ, પનીર અને માખણ મહિના સુધી આરામથી ચલાવી શકાય છે.