રિલાયન્સ ઈન્ડસ્ટ્રી અને Jio platformએ રવિવારે જણાવ્યું છે કે અમેરિકાની ક્વૉલકૉમ વેન્ચર્સ મુકેશ અંબાણીના રિલાયન્સ ઈન્ડસ્ટ્રીના જિઓ પ્લેટફોર્મમાં 730 કરોડ રૂપિયાનું રોકાણ કરશે. આ રોકાણની સાથે Qualcomm Venturesની ભાગીદારી 0.15 ટકાની રહેશે. ઉલ્લેખનીય છે કે કોરોના મહામારીમાં જિઓ પ્લેટફોર્મનું 12મા અઠવાડિયાનું 13મું રોકાણ છે.
Qualcommનું હેડક્વાર્ટર અમેરિકાના કેલિફોર્નિયામાં છે અને આ કંપની વાયરલેસ ટેક્નોલોજીની કંપની છે. આ કંપની પાસે 3G, 4G અને 5G જેવી વાયરલેસ ટેક્નોલોજીમાં કામ કરવાની વિશેષતા છે. ક્વૉલકૉમની ટેક્નોલોજી અને પ્રોડક્ટનો ઉપયોગ દુનિયાભરના મોબાઈલ ડિવાઈસ અને વાયરલેસ પ્રોડક્ટમાં થાય છે.
US-based Qualcomm Inc will invest Rs 730 crore in Jio Platforms for a 0.15 percent stake, joining other big-name investors in the digital unit of Reliance.#RelianceJiohttps://t.co/xnMkgE1gWV
5.16 લાખ કરોડ રૂપિયાનું થયું જિઓ પ્લેટફોર્મ્સનું મૂલ્ય
ક્વૉલકૉમ વેન્ચર્સના રોકાણની આ ભાગીદારી જિઓ પ્લેટફોર્મના 4.91 લાખ કરોડ રૂપિયા ઈક્વિટી વેલ્યૂ પર થયો હતો. આ ડીલમાં જિઓ પ્લેટફોર્મ્સના એન્ટરપ્રાઈઝ વેલ્યૂ 5.16 લાખ કરોડ રૂપિયા આંકવામાં આવ્યો છે. ક્વૉલકૉમ વેન્ચર્સ ક્વૉલકૉમ ઈન કોર્પોરેટેડની રોકાણ કંપની છે.
RIL એ જિઓ પ્લેટફોર્મ્સની 25.24 ટકા ભાગીદારી અત્યાર સુધી વેચી છે અને તેનાથી 1,18,318.45 કરોડ રૂપિયાની કમાણી કરી છે. તેમાં સૌથી મોટી ભાગીદારી ફેસબુકની રહી છે. ફેસબુકે જિઓ પ્લેટફોર્મ્સમાં 9.99 ટકાની ભાગીદારી લીઘી છે અને તેને માટે 43,573.62 કરોડ રૂપિયાનું રોકાણ કર્યું છે.
જિઓ પ્લેટફોર્મ્સ રિલાયન્સ ઈન્ડસ્ટ્રીની ડિજિટલ સબ્સિડિયરી છે. આ કંપની આરઆઈએલ ગ્રૂપના ડિજિટલ બિઝનેસ એસેટ્સ જેવા કે રિલાયન્સ જિઓ ઈન્ફોકૉમ લિમિટેડ, જિઓ એપ્સ અને હૈપ્ટિલ, રિવાયર, ફાઈંડ, નાઉફ્લોટ્સ, હૈથવે અને ડૈન સહિત અનેક અન્ય એકમોનું પણ સંચાલન કરે છે.