અમેરિકન રાષ્ટ્રપતિ સાથેની બેઠક બાદ પ્રધાનમંત્રી નરેન્દ્ર મોદીએ વ્હાઈટ હાઉસ ખાતે આયોજીત ક્વાડ બેઠકમાં સામેલ થયાં હતા.
વ્હાઇટ હાઉસમાં ક્વાડની બેઠક
કોરોના મહામારીથી દુનિયા લડી રહી છે-PM મોદી
વિશ્વમાં શાંતિ અને સમૃદ્ધી માટે કામ કરીશું
પ્રધાનમંત્રીએ ક્વાડ બેઠકમાં પોતાના મનની વાત કરતા જણાવ્યું હતું કે, સમગ્ર વિશ્વ મહામારી સામે બાથ ભીડી રહ્યું છે, ત્યારે આપણે માનવ હિતોને ધ્યાનમાં રાખીને આજે એકઠા થયાં છીએ. આવનારા સમયમાં વિશ્વ શાંતિ અને સમૃદ્ધિ માટે સાથે મળીને કામ કરીશું.
#WATCH "The Quad- a force for global good," says Prime Minister Narendra Modi at the first in-person Quad Leaders' Summit at The White House pic.twitter.com/urFIhjhGCQ
હિંદ-પ્રશાંત ક્ષેત્રમાં સાથે મળીને કામ કરવાની કરી અપીલ
પ્રધાનમંત્રી મોદીએ વધુમાં કહ્યું કે,આપણે 4 રાષ્ટ્રો છેલ્લા 2004માં સાથે આવ્યા હતા. તો એમપણ કહ્યું હતું કે, આપણે સ્વતંત્રતામાં માનનારા છીએ. આગામી સમયમાં હિંદ-પ્રશાંત ક્ષેત્રમાં સાથે મળીને કામ કરીશું.
પ્રથમ વખત વ્યક્તિગત રીતે યોજાઈ ક્વાડ બેઠક
આપને જણાવી દઇએ કે, વ્હાઈટ હાઉસમાં આયોજીત ક્વાડ બેઠક ઈતિહાસમાં પ્રથમ વખત વ્યક્તિગત રીતે યોજાઈ રહી છે. જેમાં અમેરિકા, ભારત, ઓસ્ટ્રેલિયા અને જાપાન સામેલ છે. આ બેઠકમાં 5જી ટેકનોલોજી, જળવાયુ પરિવર્તન, કોરોના મહામારી, કોવિડ વેક્સિન, અંતરિક્ષ જેવા વિવિધ મુદ્દા પર ચર્ચા થઈ હતી.