QUAD બેઠક / QUADમાં ચીનને સંદેશ : બાયડને કહ્યું, આ સમાવિષ્ટ વિચારસરણીવાળા દેશોનું મંચ, PM મોદીએ ઉઠાવ્યો ચીની APPનો મુદ્દો

• સાથે મળીને આવનારા પડકારોને પહોંચી વળવાની તૈયારી કરીશું- બાયડન
• તમામ દેશ સ્વતંત્ર અને ખુલ્લા હિંદ પ્રશાંત વિસ્તારનું સમર્થન કરે છે-  યોશિહિદે સુગા
• પીએમ મોદીએ  ક્લિન એપ મૂવમેન્ટને ધાર આપવા પર ભાર મૂક્યો

QUAD બેઠકમાં બાયડન

આ બેઠકની શરુઆત અમેરિકન રાષ્ટ્રપતિ જો બાયડને કરી. તેમણે કહ્યું કે દુનિયાની સામે અનેક મોટા પડકારો છે. પણ   QUAD સાથે મળીને તેનો સામનો કરી શકે છે.  આ સંગઠન ફક્ત એજ લોકતાંત્રિક દેશને રાખવામાં આવ્યા છે જે સમગ્ર દુનિયા માટે સમાવેશી વિચાર ધરાવે છે. જેમનું ભવિષ્ય માટે એત વિઝન છે. સાથે મળીને આવનારા પડકારોને પહોંચી વળવાની તૈયારી કરીશું.

QUAD બેઠકમાં પીએમ મોદી

પહેલી ફિઝિકલ ક્વાડ સમિટને ઐતિહાસિક ગણાવતા બાયડન બાદ પીએમ મોદીએ અમેરિકન રાષ્ટ્રપતિ જો બાયડનનો આભાર માન્યો. પોતાના શરુઆતના સંબોધનમાં પીએમ મોદીએ ક્વાડનો હેતુ  સમજાવતા કહ્યું કે સૌથી પહેલા વર્ષ 2004 બાદ ક્વાડ દેશો એકજૂથ થયા છે. ત્યારે સુનામીને પહોંચી વળવા માટે તમામ પ્રકારની મદદ મળી હતી. હવે સમગ્ર દુનિયા કોરોના સામે લડી રહી છે. ત્યારે ફરી દુનિયાના સારા માટે ક્વાડ સક્રિય થયું છે. પીએમ મોદીએ કહ્યું કે આપણી ક્વાડ રસી પહેલથી ઈન્ડો પેસિફિક દેશોને મદદ મળશે. આની પહેલા પીએમ મોદીએ કહ્યું કે ગુરુવારે ભારતમાં શક્ય નિકાસ માટે 5 વૈશ્વિક સીઈઓની સાથે બેઠક કરી હતી. 

QUAD બેઠકમાં પીએમ મોરિસન

પીએમ મોદી બાદ ઓસ્ટ્રેલિયાના પીએમ સ્કોટ મોરિસને પણ મનની વાત કરી. તેમણે કહ્યું કે એક સ્વતંત્ર અને મજબૂત હિંદ પ્રશાંત ક્ષેત્રમાં વિશ્વાસ રાખ્યો છે. ત્યારે આ ક્ષેત્રનો સંપૂર્ણ વિકાસ શક્ય છે.  મોરિસન બાદ જાપાનના પીએમ યોશિહિદે સુગાએ પોતાના વિચારો રજૂ કર્યા.

QUAD બેઠકમાં જાપાન પીએમ

તેમણે કહ્યું રે QUAD  બેઠકનું થવું એ વાત દર્શાવે છે કે તમામ દેશ સ્વતંત્ર અને ખુલ્લા હિંદ પ્રશાંત વિસ્તારનું સમર્થન કરે છે. આ ઉપરાંત સુગોએ એ વાચનો ઉલ્લેખ ક્યો કે પહેલા અમેરિકા દ્વારા જાપાની ખાદ્ય ઉત્પાદો પર પ્રતિબંધ લગાવી દેવામાં આવ્યો હતો. પરંતુ એપ્રિલ મહિનામાં તેને પાછો ખેંચી લેતા ઘણી રાહત મળી છે.

QUAD બેઠકમાં ચીન- તાલિબાનને શું સંદેશ

આ ઉપરાંત QUAD દેશોએ અફઘાનિસ્તાનની વર્તમાન સ્થિતિ પર વિસ્તારથી ચર્ચા કરી. તાલિબાનને પણ સંદેશ  આપવાનો પ્રયાસ રહ્યો. ત્યારે એક સમય એવો પણ આવ્યો જ્યારે પીએમ મોદીએ ચીની એપ્સ પર પોતાનું મોટુ વલણ દર્શાવ્યું. તેમણે ક્લિન એપ મૂવમેન્ટને ધાર આપવા પર ભાર મૂક્યો. તેમની પહેલનું QUADના બીજા દેશોએ સ્વાગત કર્યુ.