4 દેશોના ક્વાડ ગ્રુપ (Quad Group)ના પહેલા શિખર સમ્મેલનમાં ગઠબંધનના નેતાઓએ શુક્રવારે નિર્ણય કર્યો કે ક્વાડ રસી પહેલ અંતર્ગત હિન્દ પ્રશાંત વિસ્તારમાં કોવિડ 19ની રસીની આપૂર્તિ માટે ઉત્પાદન ક્ષમતા વધારવાને લઈને ભારતમાં રોકાણ કરવામાં આવશે.
ક્વાડ રસીની પહેલ, સૌથી વધારે જરુરી- વિદેશ સચિવ
રસી પુરી પાડવાના ક્ષેત્રમાં ચીનના પ્રભાવને ઓછો કરવા એક્શન પ્લાન
અમેરિકા અને જાપાનથી આવશે ફંડ, જાપાન આપૂર્તિમાં મદદ કરશે
ચીનના વધતા પ્રભાવને ટક્કર આપવાના પ્રયાસની રીતે જોવાઈ રહ્યું છે
આ પગલાથી રસી પુરી પાડવાના ક્ષેત્રમાં ચીનના વધતા પ્રભાવને ટક્કર આપવાના પ્રયાસની રીતે જોવાઈ રહ્યું છે. પ્રધાનમંત્રી નરેન્દ્ર મોદીએ ઓસ્ટ્રેલિયાના પીએમ સ્કોટ મોરિસન,જાપાનના પીએમ યોશિહિદે સુગા અને અમેરિકાના રાષ્ટ્રપતિ જો બાયડનની સાથે 4 દેશોના ગ્રપના નેતાઓએ ઓનલાઈન શિખર સમ્મેલનમાં ભાગ લીધો. પીએમે કહ્યું કે કોવિડ 19ની વિરુદ્ધ લડાઈમાં આપણે એક જૂથ છીએ. આપણે સુરક્ષિત કોવિડ 19ની પુરતી માટે મહત્વ પૂર્ણ ક્વાર્ડ ભાગીદારી શરુ કરી છે. તેમણે કહ્યું કે હિંદ પ્રશાંત વિસ્તારમાં દેશોની મદદ માટે ભારતની રસીની ક્ષમતા ને જાપાન, અમેરિકા અને ઓસ્ટ્રેલિયાના સહયોગથી વિસ્તારિત કરવામાં આવશે.
ક્વાડ રસીની પહેલ, સૌથી વધારે જરુરી- વિદેશ સચિવ
શિખર બેઠક વિદેશ સચિવ હર્ષવર્ધન શ્રૃંગલાએ સંવાદવાદાઓને જણાવ્યું કે આ નિર્ણય કરવામાં આવ્યો છે કે ભારતની નિર્માણ ક્ષમતાનો ઉપયોગ અમેરિકન રસી વિકસાવવા માટે કરવામાં આવશે. તેમણે કહ્યું કે ‘ક્વાડ રસી પહેલ’સૌથી વધારે જરુરી અને મૂલ્યવાન છે.
નિકાસ માટે ભારતમાં ભારે રોકાણ પર ચર્ચા કરી
શ્રૃંગલાએ કહ્યું કે આજના સંદરભમાં આ સૌથી મહત્વપૂર્ણ પહેલ છે. અમે હિંદ પ્રશાંત વિસ્તારમાં દેશોમાં નિકાસ માટે ભારતમાં ભારે રોકાણ પર ચર્ચા કરી રહ્યા છીએ. વર્ષ 2022ના અંત સુધી એક અરબ ડોઝનું ઉત્પાદન કરવા વિષે ચર્ચા કરી રહ્યા છીએ. તેમણે કહ્યું કે ક્વાડ રાષ્ટ્રોએ પોતાના નાણા સંસાધનો, વિનિર્માણ ક્ષમતાઓ અને લોજિસ્ટિકલ ક્ષમતાઓને શેર કરવાની યોજના પર સહમતિ વ્યક્ત કરી છે.
અમેરિકા અને જાપાનથી આવશે ફંડ, જાપાન આપૂર્તિમાં મદદ કરશે
શ્રૃંગલાએ જણાવ્યું કે વધારે ક્ષમતાના નિર્માણ માટે નાણા ભંડોળ અમેરિકા અને જાપાનથી આવશે. જ્યારે ઓસ્ટ્રેલિયા સામાન તથા સપ્લાય ચેનને લઈને યોગદાન આપશે. ઓસ્ટ્રેલિયા એ દેશોમાં નાણાકીય મદદ કરશે જેમને રસી મળશે. તેમણે કહ્યું કે ક્વાડ રસી પહેલનો હેતુ હિંદ પ્રશાંત વિસ્તારમાં કોવિડ 19 રસી વિનિર્માણ, વિતરણમાં તેજી લાવવાનું છે. વિદેશ સચિવે કહ્યું કે ભારત ક્વાડ રસી પહેલનું સ્વાગત કરે છે. કેમ કે આ આપણી ઉત્પાદન ક્ષમતાઓને માન્યતા અપાવે છે.