આતંકવાદ, સાયબર સુરક્ષા સહિતના કેટલાક મહત્વના મુદ્દે ભારતને અમેરિકા, જાપાન અને ઓસ્ટ્રેલિયાનો સાથ મળતા ચીન ચિંતિત થયો છે.
ક્વાડ હવે નિયમિત સંમેલન સ્તરનું મંચ બની રહ્યો છે
ચાર દેશના નેતા પારસ્પરિક સહયોગ વધારવા પણ આતુર
હાલમાં ક્વાડ મંચમાં કોઈ નવા દેશને સામેલ કરવાનો કોઈ પ્રસ્તાવ નથી
બેઠક દરમિયાન ચીનને આકરો સંદેશ અપાયો. ચાર નેતાઓએ હિંદ પ્રશાંત ક્ષેત્રને સ્વતંત્ર અને ખુલ્લુ બનાવી રાખવાનો સંદેશ આપ્યો.હકીકતમાં આ બેઠક પહેલા જ ચીનને ખબર પડી ગઈ હતી કે તેના દાદાગીરીવાળા વલણ પર નિશાન સાધવામાં આવી શકે છે.
ક્વાડ હવે નિયમિત સંમેલન સ્તરનું મંચ બની રહ્યો છે
ક્વાડ હવે નિયમિત સંમેલન સ્તરનું મંચ બની રહ્યો છે તે વાતે પણ ચીન ચિંતાતુર થયો છે. ચાર દેશના નેતા પારસ્પરિક સહયોગ વધારવા પણ આતુર છે. હાલમાં ક્વાડ મંચમાં કોઈ નવા દેશને સામેલ કરવાનો કોઈ પ્રસ્તાવ નથી. પરંતુ હિંદ પ્રશાંત ક્ષેત્રમાં સહિયારા હિત સાથે જોડાયેલા મુદ્દા પર જર્મની ફ્રાન્સ જેવા યુરોપીય દેશોનો સહયો પણ ક્વાડની સાથે આગામી દિવસોમાં જોડાઈ શકે છે.
વડાપ્રધાન મોદીએ ઓસ્ટ્રેલિયાના પીએમ સ્ટોટ મોરિસન, જાપાનના પીએમ યોશિહિદે સુગા અને અમેરિકાના પ્રમુખ જો.બાઈડેનની સાથે સંવાદ સાધ્યો હતો.
બેઠકમાં પીએમ મોદીએ દુનિયા માટે ભારતનો એજન્ડા વેક્સિન અને જલવાયુ પરિવર્તન અંગે વાત કરી હતી. પીએમ મોદીએ સ્પસ્ટ જણાવ્યું કે ક્વાડ દેશોની ભાવના તેમને ભારતની પ્રાચીન અવધારણા વસુધૈવ કુટુંબકમ સાથે મળતી લાગે છે.
અમેરિકી પ્રમુખ જો બાઈડને ભારતની પ્રશંસા કરી હતી. તેમણે કહ્યું કે તેઓ આ સમૂહ સાથે કામ કરવા ખાસ ઉત્સુક છે. એશિયા-પ્રશઆંત વિસ્તારને શાંત અને સ્થિર બનાવી રાખવા માટે તેમણે આ સમૂહની મહત્તા પર ભાર મૂક્યો.