Alert / ઓનલાઈન ફ્રોડ: UPIથી પેમેન્ટમાં QR Codeની સાથે ન કરો આ ભૂલ, ખાલી થઈ જશે તમારું બેંક ખાતુ

• કયારેય પણ પૈસા મેળવવા માટે ક્યુઆર કોડને સ્કેન ના કરો
• કોઈ પણ એપ ડાઉનલોડ કરો તો તેને રિમોટ એક્સેસ ન આપો
• યુપીઆઈ પિન કે ઓટીપી કોઈની સાથે શેર ન કરો

જોકે, આ જોતા હવે ઓનલાઈન ફ્રોડ એક્ટિવ થઈ ગયા છે. તેઓ લોકો સાથે ફ્રોડ કરવા માટે ક્યુઆર કોડનો ઉપયોગ કરી રહ્યા છે. આવું એટલા માટે થાય છે કારણ કે સામાન્ય રીતે આપણે બધા ક્યુઆર કોડ થકી જ ચૂકવણી કરતા હોય છે. જેનો ફાયદો ઉઠાવીને છેતરપીંડી કરતા હોય છે અને લોકોના ખાતા ખાલી કરી નાખે છે. આવો, જાણીએ
કેવી રીતે ક્યુઆર કોડનો ઉપયોગ કરીને છેતરપિંડીને અંજામ આપતા હોય છે.

આવી રીતે ઠગ તમને બનાવે છે શિકાર

આ વર્ષની શરૂઆતમાં દિલ્હીના મુખ્યમંત્રી અરવિંદ કેજરીવાલની દીકરી ઓનલાઈન ફ્રોડનો શિકાર થઈ હતી. સીએમ કેજરીવાલની દીકરી એક જૂના સોફાને ઓનલાઈન વેચી રહી હતી. આ ક્રમમાં તે ઠગનો શિકાર બની હતી. જોકે ઠગે સીએમની દીકરીને એકવાર ક્યુઆર કોડ સ્કેન કરવા માટે કહ્યું. આ વખતે સ્કેન કરતા જ તેના એકાઉન્ટમાંથી એક જ વારમાં 20 હજાર રૂપિયા અને તે પછી 14 હજાર રૂપિયા ડેબિટ થઈ ગયા. આ ઘટનાઓ ઝડપથી વધી રહી છે. નિષ્ણાંતોનું કહેવું છે કે આ પ્રકારની છેતરપિંડી ઘણા બધાં લોકો સાથે થઈ રહી છે. આથી ક્યારેય પણ પૈસા મેળવવા માટે ક્યુઆર કોડને સ્કેન ના કરો. આમ ક્યુઆર કોડને સ્કેન કર્યા પછી ઠગ તમારા ખાતામાંથી પૈસા નિકાળવા માટે અધિકૃત થઈ જાય છે.

આવી ભૂલ ના કરશો

રિમોટ એક્સેસ ન આપો

કોઈ પણ એપ ડાઉનલોડ કરો તો તેને રિમોટ એક્સેસ ક્યારેય ન આપો. આનો ઉપયોગ ફ્રોડ UPIના માધ્યમથી ઠગાઈ માટે કરી શકે છે.

ફિશિંગ લિંકને ક્લિક ન કરો

ક્યારેય પણ કોઈના દ્વારા મોકલવામાં આવેલી લિંક કે એસએમએસને ક્લિક ન કરો. લિંક પર ક્લિક કરતા જ તે તમારી UPI ચૂકવણી એપ પર પહોંચી જાય છે અને તમારા ખાતામાંથી રકમ ઓટો ડેબિટ થઈ જાય છે.

ઓટીપી અને પિન શેર ન કરશો

આરબીઆઈ દ્વારા તમને વારંવાર ચેતવણી આપવામાં આવે છે કે ગ્રાહકોને પોતાનો પિન કે ઓટીપી કોઈની સાથે શેર ન કરવો જોઈએ. આમ છતાં કેટલાક ઠગ ગ્રાહકોને પોતાના ફોન પર આવેલા ઓટીપીને શેર કરવા માટે ફોસલાવીને સફળ થઈ જતા હોય છે. આવી ભૂલ તમે ક્યારેય ન કરશો.