ચીનમાં એક બેંકની ઓફિસમાં અજીબો ગરીબ ઘટના બની. અહીં બેંક કર્મચારીઓની રેગ્યુલર મિટીંગ ચાલી રહી હતી. તે દરમિયાન આ મિટીંગમાં ભાગ લેવા માટે એક અજગર પણ પહોંચી ગયો હતો. બન્યું એમ કે મિટીંગ દરમિયાન છત પરથી એક અજગર અચાનક નીચે પડે છે અને તે એક મહિલા કર્મચારી પર પડે છે.
જેથી બેંકમાં અફરાતફરી મચી ગઈ હતી. ઘટના છે ચીનના નૈનિંગમાં સ્થિત ઈન્ડસ્ટ્રિયલ એન્ડ કોમર્શિયલ બેંકની. જ્યાં મહિલા સ્ટાફ પર અજગર પડતાં ભાગદોડ મચી ગઈ અને બાદમાં પોલીસને જાણ કરતાં આશરે 5 કિલો વજન ધરાવતા અજગરને પકડીને વાઈલ્ડલાઈફ પ્રોટેક્શન સેન્ટરમાં મોકલી દેવાયો હતો.
ઉલ્લેખનીય છે કે બેંક કર્મચારીઓની રેગ્યુલર મિટીંગ ચાલી રહી હતી તે જ સમયે અજગર છત પરથી નીચે પડતા તમામ કર્મીઓના જીવ તાળવે ચોંટ્યા હતા અને અફરાતફરીનો માહોલ છવાયો હતો.
જો કે આ ઘટનાની જાણ સિક્યોરીટીને થતાં તે તાત્કાલિક અસરથી ઘટના સ્થળે ધસી આવી હતી અને અજગરને ઝડપી લેવા કવાયત હાથ ધરી હતી.