હવે ઘરે બેઠા PVC Aadhaar Card બનાવી શકાશે. સૌથી સારી વાત એ છે કે તમે એક જ મોબાઈલ નંબરથી આખા પરિવાર માટે PVC Aadhaar Card બનાવી શકશો.
જાણો શું છે PVC Aadhaar Card
UIDAIએ ટ્વીટ કરી જાતે આપી માહિતી
આ સિમ્પલ રીતે કરી શકો અરજી
આધાર કાર્ડ એક એવું ડોક્યુમેન્ટ બની ગયું છે જેની જરૂર આપણને દરેક જગ્યા પર પડે છે. તેના વગર તમે કોઈ પણ સરકારી સ્કીમનો ફાયદો નહીં ઉઠાવી શકો. સમયની સાથે આધાર કાર્ડમાં ઘણા ફેરફાર આવ્યા છે. Unique Identification Authority of India (UIDAI) આ વર્ષે PVC આધાર કાર્ડ લઈને આવ્યું છે. જે રાખવું ખુબ સરળ છે અને લાંબા સમય સુધી ચાલે છે. સૌથી સારી વાત એ છે કે તમે એક જ મોબાઈલ નંબરથી આખા પરિવાર માટે પીવીસી કાર્ડ ઓર્ડર કરી શકો છો.
UIDAIએ ટ્વીટ કરી આપી જાણકારી
UIDAIએ ટ્વિટર પર તેની જાણકારી આપી છે. UIDAIએ ટ્વીટ કરતા કહ્યું કે 'તમે પોતાના આધારની સાથે રજીસ્ટર મોબાઈલ નંબરની ચિંતા કર્યા વગર વેરિફિકેશન માટે ઓટીપી મેળવવા માટે કોઈ પણ મોબાઈલ નંબરનો ઉપયોગ કરી શકો છો. તેના માટે એક વ્યક્તિ આખા પરિવાર માટે આધાર પીવીસી કાર્ડ ઓનલાઈન ઓર્ડર કરી શકે છે.'
50 રૂપિયામાં બની જાય છે PVC આધાર કાર્ડ
સૌથી સારી વાત એ છે કે તમે એખ મોબાઈલ નંબરથી જ આખા પરિવાર માટે PVC આધાર કાર્ડ બનાવી શકો છો. PVC આધાર કાર્ડ કેરી કરવામાં સરળ પડે છે. આ પ્લાસ્ટિક ફોર્મમાં આવે છે. તેની સાઈઝ એક ATM ડેબિટ કાર્ડ જેટલી જ હોય છે તેને સરળતાથી ખિસ્સા કે વોલેટમાં કેરી કરી શકાય છે. જો તમે PVC આધાર કાર્ડ બનાવવા માંગો છો તો તમારે ફક્ત 50 રૂપિયાની મામુલી ફી ભરવી પડશે.
કઈ રીતે કરશો PVC આધાર કાર્ડ માટે એપ્લાય
જો PVC આધાર કાર્જ માટે અરજી કરવા માંગો છો તો તમે UIDAIની વેબસાઈટ uidai.gov.in અથવા resident.uidai.gov.in પર જઈને કરી શકો છો.
વેબસાઈટ પર પોતાનો આધાર કાર્ડ નંબર, વર્ચુઅલ આઈડી નંબર અથવા રજીસ્ટ્રેશન નંબર નાખવાનો રહેશે.
50 રૂપિયાની ફી આપીને તમે ઓર્ડર કરી શકશો. એમુક દિવસ બાદ આ તમારા રજીસ્ટર્ડ એડ્રેસ પર પહોંચી જશે.