ટોક્યો ઓલિમ્પિકનો આજે 8મો દિવસ છે. મહિલા બોક્સર લવલીનાએ ભારતના ખાતામાં એક મૅડલ પાક્કો કરી દીધો છે ત્યારે પીવી સિંધુ પણ સેમીફાઇનલમાં પહોંચી ગઇ છે.
પીવી સિંધુ સેમિફાઇનલમાં
જપાનની યામાગુચીને હરાવી દીધી
સિંધુએ મેળવી એકતરફી જીત
લવલીનાએ 69 કિલો વેઇટ કેટેગરીમાં ચીનની ચિન ચેનને 4-1થી મ્હાત આપી છે ત્યારે પીવી સિંધુએ પણ કમાલનું પ્રદર્શન કર્યુ છે. તેણે જપાનની યામાગુચીને હરાવી છે અને સેમીફાઇનલમાં પહોંચી ગઇ છે. તિરંદાજ દીપિકા કુમારી ક્વારટર ફાઇનલનો ફાઇનલ મુકાબલો હારીને ઓલિમ્પિકથી બહાર થઇ ગઇ છે.
— Doordarshan Sports #TokyoOlympics (@ddsportschannel) July 30, 2021
ભારતની સ્ટાર બેડમિન્ટન ખેલાડી પીવી સિંધુએ કરોડો ભારતીયોની ખુશીઓમાં વધારો કર્યો છે. ઓલિમ્પિક્સના મહિલા વર્ગની સેમિફાઇનલમાં જગ્યા બનાવી લીધી છે. પીવી સિંધુએ પોતાનું શ્રેષ્ઠ પ્રદર્શન આપતા જપાનની યામાગુચીને હરાવી દીધી છે.
સિંધુએ મુકાબલાને એકતરફી કરી લેતા મૅચ 21-13થી જીતી લીધી હતી. ભારતીય ખેલપ્રેમીઓની ખુશીઓ વધારતા મેડલ પાક્કો કરી લીધો છે. સિંધુ આ જ રીતે રમશે તો સિંધુ ગોલ્ડ મૅડલ લઇને જ ભારત આવશે.
મૅચની વાત કરવામાં આવે તો શરૂઆતી ગેમમાં એક સમય સુધી મુકાબલો બરાબરીનો ચાલી રહ્યો હતો પરંતુ જેવી રીતે મૅચ આગળ વધી તેમ તેમ સિંધુએ પોતાનું બેસ્ટ પ્રદર્શન આપ્યુ અને યામાગુચીને હરાવી દીધી હતી.