વર્લ્ડ ટૂર ફાઇનલ: પીવી સિંધુ બની ચેમ્પિયન રચ્યો ઇતિહાસ

ભારતીય સ્ટાર શટલર પીવી સિંધુએ વર્લ્ડ ટૂર ફાઇનલ્સમાં ટાઇટલ જીતીને ઇતિહાસ રચી દીધો છે. રવિવારે રમાયેલી મહિલા સિંગલની ફાઇનલમાં તેણે જાપાનની નોજોમી ઓકુહારાને 21-19 21-17થી હરાવીને પ્રથમવાર આ ટૂર્નામેન્ટ પર કબજો કર્યો છે. ગત વર્ષે રમાયેલી ફાઇનલમાં પણ આ બંને ખેલાડીઓને સામનો થયો હતો ત્યારે ઓકુહારાએ સિંધુને હરાવી હતી. આ સાથે સિંધુ બીડબ્લ્યૂએફ વર્લ્ડ ટૂર ટાઇટલ્સ જીતનારી પ્રથમ ભારતીય બની ગઇ છે. આ તેના કરિયરનું 14મુ અને સિઝનનું પ્રથમ ટાઇટલ છે. 

23 વર્ષની આ ખેલાડીઓ સેમી ફાઇનલમાં થાઇલેન્ડની રતચાનોક ઇંતાનોને 21-16 25-23થી હરાવીને સતત બીજી વખત ફાઇનલમાં જગ્યા બનાવી હતી. વિશ્વની છઠ્ઠી નંબરની ખેલાડીએ સતત બીજી વખત ફાઇનલ રમ્યા પછી ટાઇટલ પર કબ્જો કર્યો છે.

2016 રિયો ઓલમ્પિકની સિલ્વર મેડલિસ્ટ સિંધુએ મેચની શરૂઆત આક્રમતા સાથે કરી હતી. પરંતુ મેચનો પ્રથમ પોઈન્ટ ઓકુહારાએ જીત્યો પરંતુ સિંધુએ ઝડપથી વાપસી કરતા લીડ મેળવી લીધી હતી. તેણે પોતાની લંબાઇનો ફાયદો ઉઠાવતા સારા સ્મૈશ લગાવ્યા અને શટલને જાપાની ખેલાડી પહોંચથી દૂર રાખીને પોઇન્ટ મેળવ્યા હતા. સિંધુ 5-1થી આગળ હતી ત્યારબાદ ઓહુકારાએ વાપસી કરતા અંતરને ઓછું કરતા 7.5 કરી દીધી. પરંતુ ત્યારબાદ સિંધુએ ફરી સારી કોર્ટ કવર કરી અને નોજોમી ઓકુહારાને ભૂલ કરવા માટે મજબૂર કરી હતી. પ્રથમ ગેમમાં બ્રેક સુધી સિંધુએ 11-6થી આગળ હતી. 

બ્રેક બાદ સિંધુએ પોતાની લીડ વધારીને 14-6 કરી દીધો. અહીં લાગ્યુ હતુ કે સિંધુ આ ગેમની સરળતાથી જીતી લેશે પરંતુ જાપાની ખિલાડી રણનીતીમાં ફેરફાર કર્યો હતો. તેણે કોર્ટ કવર કરીને સિંધુ માટે પોઈન્ટ હાસિલ કરવાનું મુશ્કેલ કરી દીધુ હતુ. સ્કોર 16-16 સુધી બરોબર પહોંચી ગયો હતો. બંન્ને ખેલાડીઓ વચ્ચે સંધર્ષ જોવા મળ્યો હતો. સિંધુએ 20-17ની લીડ મેળવી લીધી પરંતુ ઓકુહારાને બે પોઈન્ટ જીતીને મેચમો રોમાંચ વધારી દીધો અને અંતમાં સિંધુએ અંક જીતનીને પ્રથમ ગેમ 21-19થી પોતાના નામે કરી લીધી હતી. 

સિંધુએ ગેમની શરૂઆત 3 પોઈન્ટ જીતીને કરી હતી. પરંતુ ઓકુહારાએ પણ શાનદાર વાપસી કરી. તેણે સિંધુ પર દબાવ બનાવવાનો પ્રયાસ કર્યો હતો. પરંતુ ભારતીય ખેલાડીએ દરેક શોટનો શાનદાર જવાબ આપ્યો હતો. બ્રેક સુધીમાં સિંધુ 11-9થી આગળ હતી. ત્યાર બાદ બંને વચ્ચે ટક્કર જોવા મળી. અંતમાં સિંધુએ બીજી ગેમ 21-17થી પોતાના નામે કરીને ટાઇટલ જીતી લીધુ હતુ.