બેડમિન્ટન / દેશની 'પાણીદાર દીકરી',પીવી સિંધુ પહેલી વાર બની સ્વિસ ઓપન ચેમ્પિયન, ફાઈનલમાં ભવ્ય વિજય

• ભારતની બેડમિન્ટન સ્ટાર પીવી સિંધુની ધમાલ
• Swiss Open Super 300ની ફાઈનલમાં મેળવી જીત
• થાઈલેન્ડની ખેલાડીને 21-16,21-8થી આપ્યો પરાજય

ભારતની દીકરી સિંધુએ ફરી વાર દેશનું નામ રોશન કર્યું છે. પીવી સિંધુએ સ્વીસ ઓપન 2022ની મહિલા સિંગલ્સમાં થાઈલેન્ડની Busanan Ongbamrungphanને 21-16,21-8થી હરાવીને ટાઈટલ જીતી લીધું છે. સિંધુએ પહેલી વાર સ્વિસ ઓપનનો ખિતાબ જીત્યો છે. 

PV Sindhu beats Busanan Ongbamrungphan of Thailand by 21-16, 21-8 to claim the Swiss Open 2022 women's singles title.

(File photo) pic.twitter.com/pvQolIzhuZ

— ANI (@ANI) March 27, 2022

થાઈલેન્ડની ખેલાડીને હાર આપીને ટુર્નોમેન્ટ પોતાને નામે કરી

ભારતની ડબલ ગોલ્ડ મેડાલિસ્ટ સિંધુએ બસેલના St. Jakobshalleમાં રમાયેલી સ્વીસ ઓપન 2022ની મહિલા સિંગલ્સમાં થાઈલેન્ડની ખેલાડીને હાર આપીને ટુર્નોમેન્ટ પોતાને નામે કરી છે. ચાલુ વર્ષે સિંધુએ બીજી સુપર 300 ટાઈટલમાં જીત મેળવી છે. જાન્યુઆરીમાં તેણે સૈયદ મોદી ઈન્ટરનેશનલ પણ પોતાને નામે કરી લીધી હતી. કોર્ટ-1માં મરણિયા બનીને રમી રહેલી સિંધુએ 49 મિનિટમાં થાઈલેન્ડની ખેલાડીના છક્કા છોડાવી દીધા હતા. 

સિંધુએ ફાઈનલમાં ઝડપી રમત શરુ કરી 

સિંધુએ ફાઈનલમાં ઝડપી રમત શરુ કરી હતી પહેલી ગેમમાં તેણે 3-0થી લીડ મેળવી હતી. પહેલી શરુઆતમા થાઈલેન્ડની ખેલાડીએ 3-3ની રમત જાળવી રાખી હતી. પહેલી રમત ગોકળગતિએ રમાઈ રહી હતી અને બોર્ડ પર 9-9નો સ્કોર થયો હતો. પહેલા અંતરાલમાં સિંધુને 11-9ની લીડ સાથે સારા પોઈન્ટ મળ્યાં હતા. શરુઆતથી જ બન્ને વચ્ચે કાંટાની ટક્કર જોવા મળી હતી. થાઈલેન્ડની ખેલાડીએ પણ 16-15 પર સિંધુની સામે પોઈન્ટ લેવાનો જોરદાર પ્રયાસ કર્યો હતો પરંતુ સંધુએ તેને વચ્ચે રોકી દીધી હતી અને પહેલી ગેમ જીતી લેવા છ માંથી પાંચ પોઈન્ટ ઝડપી લીધા હતા. 

Congratulations to @Pvsindhu1 on winning the Swiss Open 2022. Her accomplishments inspire the youth of India. Best wishes to her for her future endeavours.

— Narendra Modi (@narendramodi) March 27, 2022

પ્રધાનમંત્રી મોદીએ સિંધુને અભિનંદન આપ્યાં
સ્વિસ ઓપનનો ખિતાબ જીતવા બદલ પીવી સિંધુને પ્રધાનમંત્રી મોદીએ અભિનંદન પાઠવ્યાં હતા. પીએમ મોદીએ ટ્વિટ કરીને જણાવ્યું કે સ્વિસ ઓપન 2022 જીતવા બદલ અભિનંદન. તમારી આવી સિદ્ધીઓ ભારતના યુવાનોને પ્રેરણા આપતી રહે છે. તમને અને તમારા ઉજ્જવળ ભાવીની કામના.