ટોક્યો ઓલિમ્પિકમાં બ્રોન્ઝ મેડલ જીતીને ઈતિહાસ રચનાર સ્ટાર શટલર પીવી સિંધુ ભારત પાછી આવી છે. દિલ્હી એરપોર્ટ પર ઢોલ-નગારાથી તેનું ભવ્ય સ્વાગત કરવામાં આવ્યું.
સ્ટાર શટલર પીવી સિંધુ ભારત પાછી આવી
દિલ્હી એરપોર્ટ પર ઢોલ-નગારાથી ભવ્ય સ્વાગત કરાયું
ટોક્યો ઓલિમ્પિકમાં બ્રોન્ઝ મેડલ જીત્યો છે
પ્રધાનમંત્રીએ 15 મી ઓગસ્ટે દિલ્હી બોલાવી છે
પ્રધાનમંત્રી મોદી સાથે આઈસક્રીમની મજા માણશે
ઓલિમ્પિક ગેમ્સમાં ભારતનું સન્માન વધારવાને કારણે દિલ્હી એરપોર્ટ પર તેમનું ઢોલ-નગારા સાથે ઉષ્માભર્યું સ્વાગત કરવામાં આવ્યું હતું. તેમને આવકારવા માટે એરપોર્ટ પર ઘણા લોકો હાજર હતા. મીડિયા સાથે વાત કરતા તેણે કહ્યું કે, 'હું ખૂબ ખુશ છું. મને ટેકો આપવા અને પ્રોત્સાહિત કરવા બદલ હું બેડમિન્ટન એસોસિએશન સહિત દરેકનો ખૂબ આભારી છું. તે ખૂબ જ ખુશીની ક્ષણ છે. '
પ્રધાનમંત્રી મોદી સાથે આઈસક્રીમની મજા માણશે
પ્રધાનમંત્રી મોદીએ ઓલિમ્પિકમાં ગયેલા તમામ ખેલાડીઓને 15 મી ઓગસ્ટે દિલ્હી લાલકિલ્લા પર બોલાવ્યાં છે. તે ઉપરાંત પ્રધાનમંત્રી મોદી પીવી સિંધુને આઈસક્રીમ પણ ખવડાવવાના છે.
Ace shuttler @Pvsindhu1 receives a warm welcome at Delhi Airport as she returns to India after winning a bronze medal at #Tokyo2020
કારણ કે ઓલિમ્પિક પહેલાના સંવાદમાં મોદીએ સિંધુને તેની ફેવરીટ ડીશ વિશે પૂછ્યું હતું. ત્યારે સિંધુએ પોતાને આઈસક્રીમ ખૂબ ભાવતો હોવાનું જણાવ્યું હતું. આ સાંભળીને પ્રધાનમંત્રીએ કહ્યું હતું કે જો તે ઓલિમ્પિકમાં મેડલ જીતશે તો તેઓ તેને આઈસક્રીમ ખવડાવશે.
#WATCH "I am very happy and excited. I am thankful to everyone including the Badminton Association for supporting and encouraging me. This is a happy moment," says #Olympics medallist PV Sindhu on her return to India pic.twitter.com/xfoL63Zzd8
ભારતની સ્ટાર શટલર પીવી સિંધુએ ટોક્યો ઓલિમ્પિકમા બ્રોન્ઝ મેડલ જીતીને ઈતિહાસ રચી દીધો છે. પીવી સિંધુએ હરીફ ચીનની ખેલાડી હે બિંગ જિયાઓને 21-13, 21-15 થી પરાજય આપ્યો હતો. આ ભવ્ય વિજય બાદ સિંધુ ઓલિમ્પિક રમતોમાં બે મેડલ જીતનારી પહેલી ભારતીય મહિલા બની ગઈ છે. સિંધુએ 2016 માં રિયોએ રમાયેલી ઓલિમ્પિક ગેમ્સમાં સિલ્વર મેડલ જીત્યો હતો. તે ઉપરાંત બેડમિન્ટનના દિગ્ગજ ખેલાડી સાઈના નેહવાલે પણ લંડન ઓલિમ્પિકમાં બ્રોન્ઝ મેડલ જીત્યો છે.