ભારતની સ્ટાર શટલર પી.વી સિંધુ રવિવારનાં સ્વિટ્ઝર્લેન્ડમાં બીડબલ્યૂએફ બેડમિન્ટન વર્લ્ડ ચેમ્પિયનશિપ-2019નાં ફાઇનલમાં નોજોમી ઓકુહારાને માત આપીને ઇતિહાસ રચી દીધો છે. BWF વર્લ્ડ ચેમ્પિયનશિપ 2019નાં ફાઇનલમાં સિંધુએ જીત હાંસલ કરનાર તે પ્રથમ ભારતીય ખેલાડી બની છે. આ પહેલા બેડમિન્ટન વર્લ્ડ ચેમ્પિયનશીપમાં ભારત માટે મહિલા અને પુરૂષ વર્ગોમાં અત્યાર સુધી કોઇએ ગોલ્ડ મેડલ જીત્યો નથી.
પી.વી સિંધુએ (PV Sindhu) રવિવારનાં રોજ ફાઇનલમાં દુનિયાની ચોથા નંબરની ખેલાડી જાપાનની નોજોમી ઓકુહારાને હરાવીને ચેમ્પિયનશીપમાં પ્રથમ વાર ગોલ્ડ મેડલ જીત્યો. વર્લ્ડ રેંકિંગમાં પાંચમાં સ્થાને કાબિજ સિંધુએ ઓકુહારાને સીધી ગેમમાં 21-7, 21-7થી પરાજિત કર્યા. આ મુકાબલો 37 મિનીટ સુધી ચાલ્યો હતો. જેમાં પ્રથમ ગેમ 16 મિનીટ અને બીજી ગેમ 20 મિનીટ સુધી ચાલી હતી. આ જીત સાથે જ સિંધુએ ઓકુહારા વિરૂદ્ધ પોતાનો કેરિયર રેકોર્ડ 9-7નો કરી લીધો છે. ત્યારે મહત્વનું છે કે સિંધુની આ જીતને લઇ પ્રધાનમંત્રી નરેન્દ્ર મોદી, અમિત શાહ અને રાજનાથ સિંહ સહિતનાં દિગ્ગજ નેતાઓએ તેમણે શુભકામના પાઠવી છે.
The stupendously talented @Pvsindhu1 makes India proud again!
Congratulations to her for winning the Gold at the BWF World Championships. The passion and dedication with which she’s pursued badminton is inspiring.
PV Sindhu’s success will inspire generations of players.
વર્ષ 2017 અને 2018માં સિલ્વર તથા 2013 અને 2014માં બ્રોન્ઝ મેડલ જીતી ચૂકેલ સિંધુએ પ્રથમ ગેમમાં સારી એવી શરૂઆત કરી અને 5-1ની લીડ હાંસલ કરી. ભારતીય ખેલાડી ત્યાર બાદ 12-2થી આગળ થઇ ગઇ. સિંધુએ ત્યાર બાદ પાછળ ફરીને કંઇ જ વિચાર્યુ નહીં અને 16-2ની લીડ લીધાં બાદ 21-7થી પહેલા ગેમ જીતી લીધી. ભારતીય ખેલાડીએ 16 મિનીટ પહેલા ગેમને પોતાને નામ કરી લીધી.
PV Sindhu beats Japan's Nozomi Okuhara 21-7, 21-7; becomes 1st Indian to win BWF World Championships gold medal. (file pic) pic.twitter.com/SNHfvka84A
બીજી ગેમમાં સિંધુએ 2-0ની લીડ સાથે શરૂઆત કરતા આગામી કેટલીક મિનીટોમાં 8-2ની લીડ કાયમ કરી લીધી. ઓલમ્પિક પદક વિજેતા ભારતીય ખેલાડીએ આગળ પણ પોતાનાં આક્રમક ખેલને આધારે અંક લેવાનું શરૂ રાખ્યું. સિંધુએ મુકાબલામાં 14-4ની શાનદાર લીડિંગ બનાવી લીધી. ત્યાર બાદ તેઓએ સતત અંક હાંસલ કરતા 21-7થી ગેમ અને મેચ સમાપ્ત કરીને બીડબલ્યુએફ બેડમિન્ટન વર્લ્ડ ચેમ્પિયનશીપમાં પ્રથમ વાર ગોલ્ડ મેડલ હાંસલ કર્યો.