રશિયા / પુતિને કર્યુ એવું શક્તિ પ્રદર્શન કે દુનિયા હચમચી ગઈ, સમુદ્રમાં તાક્યુ નિશાન

• મિસાઈલનું બેરેન્ટ્સ સમુદ્વમાં સફળતાં પૂર્વક પરિક્ષણ કરાયું  
• થોડા દિવસો પહેલા ઉત્તર કોરિયા અને USએ પણ કર્યું હતું પરરીક્ષણ 
• ઝિર્કોન હાઈપર સોનિક મિસાઈલ વ્લાદિમીર પુતિનનું પસંદગીનું હથિયાર

મિસાઈલનું બેરેન્ટ્સ સમુદ્વમાં સફળતાં પૂર્વક પરીક્ષણ કરાયું  

મોસ્કોના રક્ષા મંત્રાલયના જણાવ્યા અનુસાર 6670 mph ની શક્તિ ધરાવતી હાઈપરસોનિક મિસાઈલ બેરેન્ટ્સ સમુદ્વમાં સફળતાં પૂર્વક એક લક્ષ્યને હિટ કરી હતી. જેમાં એવો દાવો કરવામાં આવ્યો છે કે મિસાઈલની ઝડપ મેક 9 કરતાં વધારે છે. અને તે સમગ્ર પશ્ચિમ કમાન્ડને સુરક્ષિત કરવામાં અસરકારક છે. મંત્રાલય દ્વારા બહાર પાડવામાં આવેલા વિડીયો ફૂટેજમાં, આ મિસાઈલને શ્વેત સમુદ્વમાં આવેલી પરમાણું સબમરીન સેવેકોડવિન્સ્કથી પ્રથમ વખત લોન્ચ કરવામાં આવી હતી. તે સમયે સબમરીન સમુદ્વની ઉપરની સપાટી પર હતી. 

થોડા દિવસો પહેલા ઉત્તર કોરિયા અને USએ પણ કર્યું હતું પરરીક્ષણ 

આ મિસાઈલ રાષ્ટ્રપતિ વ્લાદિમીર પુતિનની નવી પેઢીના રશિયાન હથિયારો અને ટેકનોલોજીનો ભાગ છે. આ જ કારણ છે કે, રશિયન નેવીએ સેવરોડવિન્સ્ક પરમાણું સબમરીનમાંથી ઝિર્કોન હાઈપર સોનિક મિસાઈલનું પ્રથમ પરીક્ષણ કર્યું. એક સત્તાવાર નિવેદનમાં કહેવામાં આવ્યું છે કે, મિસાઈલનું બેરેન્ટ્સ સમુદ્રમાં શરતી દરિયાઈ લક્ષ્ય પર પરીક્ષણ કરવામાં આવ્યું હતું.રશિયાની ઝિર્કોન હાઇપરસોનિક મિસાઇલનું સફળ પરીક્ષણ અમેરિકા અને ઉત્તર કોરિયા દ્વારા અદ્યતન મિસાઇલો અને નવા હથિયારોની રેસમાં કરવામાં આવેલા પરીક્ષણોનો જવાબ માનવામાં આવે છે. તમને જણાવી દઈએ કે થોડા દિવસો પહેલા ઉત્તર કોરિયા અને અમેરિકાએ પોતાના હાઈપરસોનિક હથિયારોનું પરીક્ષણ કર્યું હતું.

ઝિર્કોન હાઈપર સોનિક મિસાઈલ વ્લાદિમીર પુતિનનું પસંદગીનું હથિયાર 

રશિયાએ ગયા અઠવાડિયે કહ્યું હતું કે, તેમણે ફ્રિગેટ એડમિરલ ગોર્શકોવ અને કોસ્ટલ માઉન્ટથી નવા જમાનાની મિસાઈલનું પરીક્ષણ પૂર્ણ કર્યું છે પરંતુ તે હજુ સુધી લોન્ચ કરવામાં આવ્યું નથી. હાયપર સોનિક હથિયારનું પેન્ટાગોન દ્વારા હવામાં પરીક્ષણ કરવામાં આવ્યું હતું. જે અવાજની ઝડપ કરતાં પાંચ ગણી ઝડપે હુમલો કરવામાં સક્ષમ છે. મોસ્કોના એક મીડિયા રિપોર્ટ અનુસાર ઝિર્કોન હાઈપર સોનિક મિસાઈલને પરમાણું યુદ્ધની સ્થિતિમાં દરિયાકાંઠાના અમેરિકન શહેરોને ખતમ કરવા માટે વ્લાદિમીર પુતિનનું પસંદગીનું હથિયાર ગણાવ્યું હતું.