યુક્રેન પર અણુ હુમલો કરવા માટે રશિયાએ યુદ્ધાભાસ શરુ કર્યો હોવાનો દાવો કરીને રશિયન મીડિયાએ સનસનમાટી મચાવી છે.
રશિયન મીડિયાનો સનસનાટીભર્યો દાવો
યુક્રેન પર હુમલો રશિયાએ પરમાણુ યુદ્ધાભાસ શરુ કર્યો
રશિયાના સંરક્ષણ મંત્રીએ પુતિનને જાણ કરી
કોઈ પણ ભોગે યુક્રેનને ઝુકાવવા રશિયા મક્કમ બન્યું છે. યુક્રેન પર અણુ હુમલો કરવા માટે રશિયાએ યુદ્ધાભાસ શરુ કર્યો હોવાના રશિયન મીડિયાના દાવાથી વર્લ્ડમાં ચિંતાનું મોજુ ફેલાયું છે. પુતિને હવે પરમાણુ હથિયારોના ઉપયોગનો ખૌફનાક પ્લાન તૈયાર કર્યો છે.
શું તૈયારી કરી રશિયાએ
રશિયન મીડિયા એજન્સી સ્પૂતનિકે પરમાણુ યુદ્ધાભાસની પુષ્ટિ કરી દીધી છે. એટમી કમાન્ડવાળા યુનિટની રજા કેન્સલ કરી દેવાઈ છે અને તેમને હુમલાની તૈયારીનો આદેશ આપી દેવાયા છે. રશિયાએ તેની તમામ પરમાણુ મિસાઈલ ફાયરિંગ મોડ પર લાવીને મૂકી દીધી છે. સાથે તમામ સ્ટાફને સ્ટેન્ડબાય મોડ પર રહેવાનો આદેશ આપી દેવાયો છે.
રશિયન મીડિયાના દાવા બાદ સમગ્ર વિશ્વમાં સનસનાટી
યુક્રેનને ઝુકાવવા જો રશિયા અણુ હુમલો કરે તો ખતરનાક પરિસ્થિતિ પેદા થશે. આ દાવાથી ત્રીજા વિશ્વયુદ્ધની આશંકા છેડાઈ છે.રશિયન મીડિયામાં આવેલી ખબર અનુસાર, રશિયાના સંરક્ષણ પ્રધાન જનરલ સર્ગેઇ શોઇગુએ પ્રેસિડન્ટ પુતિનને આવી માહિતી આપી હતી. રશિયન મીડિયાના દાવા બાદ સમગ્ર વિશ્વમાં ચકચાર મચી છે.
રશિયા પાસે વિશ્વમાં સૌથી વધુ 5,977 પરમાણુ શસ્ત્રો
રશિયન મીડિયાએ સનસનાટીભર્યો દાવો કર્યો છે કે તેમના દેશે યુક્રેન પર હુમલો કરવા માટે પરમાણુ કવાયત શરૂ કરી દીધી છે. રશિયાના સંરક્ષણ પ્રધાન જનરલ સર્ગેઇ શોઇગુએ પણ તેમના રાષ્ટ્રપતિ વ્લાદિમીર પુતિનને આ અંગે માહિતી આપી છે. રશિયા પાસે વિશ્વમાં સૌથી વધુ 5,977 પરમાણુ શસ્ત્રો છે. રશિયાએ 24 ફેબ્રુઆરીએ યુક્રેન પર આક્રમણ કર્યું હતું અને બંને દેશો વચ્ચે યુદ્ધ ચાલુ છે.
પુતિને ગમે ત્યારે પરમાણુ હુમલો કરી શકે-યુક્રેની અધિકારી
યુક્રેની રાષ્ટ્રપતિ ઝેલેન્સ્કીના પૂર્વ પ્રવક્તા યુલિયા મંડેલે દાવો કર્યો છે કે પુતિને ગમે ત્યારે યુક્રેન પર અણુ હુમલો કરી શકે છે. તેમણે કહ્યું કે પોલેન્ડ, મોલ્ડોઆ અને ફિનલેન્ડ પણ હવે પુતિનના ગુસ્સાનો ભોગ બનશે.
પુતિન જાહેરમાં પરમાણુ હુમલાની ધમકી આપી ચૂક્યા છે
પુતિને દેશની પરમાણુ નિવારણ ફોર્સને પણ એલર્ટ પર રાખવાનો આદેશ આપ્યો છે. યુક્રેન પર હુમલા પહેલાના ભાષણમાં પુતિને ધમકી આપી હતી કે જો કોઈ દેશ અમારા મામલમાં દખલ કરશે તો ગંભીર પરિણામ ભોગવવું પડશે. પુતિન ખુલ્લેઆમ પરમાણુ હુમલાની ધમકી આપી ચૂક્યા છે. વિશ્વ ઈતિહાસના ઘણા દાયકા એવું નથી બન્યું કે જ્યારે કોઈ દેશે જાહેરમાં પરમાણુ હુમલાની ધમકી આપી હોય.