જંગ / પુતિનની ફ્રાન્સના રાષ્ટ્રપતિ સાથે થઈ વાત, યુક્રેન સંકટના સમાધાન માટે રાખી 3 શરત

• રશિયાના રાષ્ટ્રપતિ પુતિને ફ્રાંસના રાષ્ટ્રપતિ મેક્રોન સાથે કરી વાત 
• યુદ્ધના ઉકેલ માટે 3 શરતો ગણાવી
• ક્રીમિયા પર રશિયન સાર્વભૌમત્વની માન્યતા સ્વીકારો
• યુક્રેનનું બિનલશ્કરીકરણ અને વિમુદ્રીકરણ

પ્રેસિડન્ટ પુતિને ફ્રાન્સના રાષ્ટ્રપતિ સાથે ફોન પર વાત કરીને જણાવ્યું કે યુક્રેન સાથે સમજૂતી ત્યારે જ શક્ય બનશે જ્યારે રશિયાના કાયદેસર સુરક્ષા હિતોને બિનશરતી માનવામાં આવે. આ ઉપરાંત, રશિયાએ યુક્રેનને છોડવાના બદલામાં ત્રણ શરતો મૂકી છે - ક્રિમિયા પર રશિયન સાર્વભૌમત્વની માન્યતા, યુક્રેનનું બિનલશ્કરીકરણ અને વિમુદ્રીકરણ અને યુક્રેનનો તટસ્થ દરજ્જો સુનિશ્ચિત કરવો. તે જ સમયે, લાદવામાં આવેલા પ્રતિબંધો પછી, પુતિને પશ્ચિમને "જુઠ્ઠાણાઓનું સામ્રાજ્ય" ગણાવ્યું હતું.

Negotiations between the delegations of Russia and Ukraine have ended: Sputnik

— ANI (@ANI) February 28, 2022

શું છે પુતિનની 3 શરત
-  ક્રિમિયા પર રશિયન સાર્વભૌમત્વની માન્યતા સ્વીકારો
- યુક્રેનનું બિનલશ્કરીકરણ અને વિમુદ્રીકરણ
-  યુક્રેનનો તટસ્થ દરજ્જો સુનિશ્ચિત કરવો

ક્રીમિયા, ડોનબાસ સહિત આખા દેશમાંથી સેના હટાવો-યુક્રેનની માગ
બેલારુસમાં યોજાયેલી સાડા ત્રણ કલાકની શાંતિ મંત્રણામાં યુક્રેન રશિયા પાસે પણ એક મોટી માગ મૂકી છે. યુક્રેને જણાવ્યું કે રશિયાએ ક્રીમિયા, ડોનબાસ સહિત આખા દેશમાંથી સેના હટાવવી જોઈએ. 

Ukraine solution possible only if Russia's security interests are considered, Russian President Putin tells French President Emmanuel Macron: Sputnik

— ANI (@ANI) February 28, 2022

પુતિને ગમે ત્યારે પરમાણુ હુમલો કરી શકે-યુક્રેની અધિકારી 
યુક્રેની રાષ્ટ્રપતિ ઝેલેન્સ્કીના પૂર્વ પ્રવક્તા યુલિયા મંડેલે દાવો કર્યો છે કે પુતિને ગમે ત્યારે યુક્રેન પર અણુ હુમલો કરી શકે છે. તેમણે કહ્યું કે પોલેન્ડ, મોલ્ડોઆ અને ફિનલેન્ડ પણ હવે પુતિનના ગુસ્સાનો ભોગ બનશે. 

પુતિન જાહેરમાં પરમાણુ હુમલાની ધમકી આપી ચૂક્યા છે 
પુતિને દેશની પરમાણુ નિવારણ ફોર્સને પણ એલર્ટ પર રાખવાનો આદેશ આપ્યો છે.  યુક્રેન પર હુમલા પહેલાના ભાષણમાં પુતિને ધમકી આપી હતી કે જો કોઈ દેશ અમારા મામલમાં દખલ કરશે તો ગંભીર પરિણામ ભોગવવું પડશે. પુતિન ખુલ્લેઆમ પરમાણુ હુમલાની ધમકી આપી ચૂક્યા છે. વિશ્વ ઈતિહાસના ઘણા દાયકા એવું નથી બન્યું કે જ્યારે કોઈ દેશે જાહેરમાં પરમાણુ હુમલાની ધમકી આપી હોય.