23 દિવસથી જંગ વચ્ચે પુતિનનું નવું સ્વરૂપ
રશિયા અને યુક્રેન વચ્ચે છેલ્લાં 23 દિવસથી જંગ યથાવત છે. એક તરફ પુતિન વિશ્વના કોઈ નેતાનું માનવા તૈયાર નથી તો બીજી તરફ ઝેલેન્સ્કી અંતિમ શ્વાસ સુધી હાર સ્વીકારવા તૈયાર નથી. આમ બન્ને વચ્ચે પડેલી મડાગાંઠના માહોલમાં પુતિનનું નવું સ્વરૂપ જોવા મળ્યું. અત્યાર સુધી વીડિયો કોન્ફરન્સિંગ માધ્યમથી નજરે ચડતા પુતિને મોસ્કોમાં લુઝિન્કી સ્ટેડિયમમાં વિશાળ જાહેરસભા યોજીને દુનિયાનું ધ્યાન ખેંચ્યુ છે.
યુક્રેનના વિવિધ શહેરો પર રશિયન સૈનિકો દ્વારા ભીષણ ગોળીબારી વચ્ચે રાષ્ટ્રપતિ વ્લાદિમીર પુતિને પોતાની સેનાની પ્રસંશામાં એક વિશાળ સભાનું આયોજન કર્યું હતુ.
હજારોની સંખ્યામાં લોકોમાં દેશદાઝ જગાડવા પ્રયાસ
મોસ્કો લુઝિન્કી સ્ટેડિયમમાં આયોજિત આ વિશાળસભામાં લગભગ 2 લાખ કરતાં વધારે લોકો એકઠા થયા હતા. જ્યાં રશિયન ગાયક ઓલેગ ગાજમાનોવે. જેમાં દેશ ભક્તિનું ગીત મેડ ઈન ધ યુએસએસઆર' ગાવામાં આવ્યું. જે ગીતના મુખડાના શબ્દો હતા `યૂક્રેન એન્ડ ક્રીમિયા, બેલારુસ એન્ડ મોલ્દોવા, ઈટ ઇઝ ઓલ માય કન્ટ્રી'
પુતિનના સમર્થનમાં આવ્યું આખું રશિયા
આ વિશાળ સભા આયોજિત કરીને પુતિને પોતાના દેશમાં પોતાની સામે જ લોકોના થઈ રહેલા વિરોધને ખોટો પ્રચાર સાબિત કર્યો. કહેવાય છે કે, મોસ્કોમાં આ વિશાળસભાનુ આયોજન યુક્રેનથી છીનવી લેવાયેલા ક્રીમિયાઈ ઉપખંડ પર રશિયાના કબજાની આઠમી વર્ષગાંઠ નિમિત્તે કરવામાં આવ્યું હતું. આ સભામાં પુતિન મંચ પર આવ્યા તે પહેલા વક્તાઓએ પુતિનની સરખામણી યુક્રેનમાં નાઝીવાદ સામે લડનારા નેતા તરીકે કરીને પ્રશંસા કરી હતી. રશિયાની રાજધાની મોસ્કોમાં ખીચોખીચ ભરાયેલા સ્ટેડિયમમાં વ્લાદિમીર પુતિને પોતાના નાગરિકો અને સૈન્ય જવાનનો કંઈક આ રીતે ઉત્સાહ વધાર્યો
યુક્રેન સાથે યુદ્ધ ચાલુ થયું ત્યારથી અત્યાર સુધી પુતિન મોટે ભાગે વૈશ્વિક નેતાઓ સાથેની વિડિયો કોન્ફરન્સિંગ મીટિંગોમાં અને પોતાના સૈન્ય અધિકારીઓ સાથેની બેઠકોમાં જ જોવા મળતા હતા. પરંતુ હવે તમામ અપેક્ષાઓથી વિપરિત યુદ્ધના માહોલમાં તેઓ પોતાના નાગરિકો વચ્ચે જાહેર સભામાં જોવા મળી રહ્યા છે. જો કે, આ બધા વચ્ચે પણ હજુ યુક્રેન સાથે વાતચીત છતાં કીવમાં શનિવારે પણ ભીષમ બોમ્બમારો શરૂ રહ્યો હતો. ત્યારે હવે જોવાનું એ રહશે કે યુક્રેનને લઈને પુતિનના કેવા કેવા ઈરાદા છતા થાય છે અને 25 દિવસથી ચાલી રહેલા વોરમાં કેવા ફેરફાર જોવા મળે છે.
