રણનીતિ / બાયડન-પુતિનની મુલાકાતના 10 દિવસ પહેલાં જ રશિયાએ રમી મોટી ચાલ, અમેરિકાને આપ્યો ઝટકો

• શિખર વાર્તાના 10 દિવસ પહેલા રશિયાએ અમેરિકાને મોટો ઝટકો આપ્યો 
• પૂર્વ રાષ્ટ્રપતિ  ડોનાલ્ડ ટ્રમ્પના કાર્યકાળ દરમ્યાન જ તેઓ આ સંધિમાંથી અલગ થઈ ગયા હતા
• શું છે આ ઓપન સ્કાય સંધિ ?

શિખર વાર્તાના 10 દિવસ પહેલા રશિયાએ અમેરિકને મોટો ઝટકો આપ્યો
અમેરિકાના રાષ્ટ્રપતિ જૉ બાઈડન અને રશિયના રાષ્ટ્રપતિ વ્લાદિમીર પુતિન વચ્ચેની શિખર વાર્તાના 10 દિવસ પહેલા રશિયાએ અમેરિકાને મોટો ઝટકો આપ્યો છે. પુતિને સોમવારે એ કરાર પર સહી કરી નાખી છે, આ સંધિ મુજબ દેશની સેના પર નજર રાખવા માટેની પરવાનગી આપવામાં આવતી આંતરરાષ્ટ્રીય સૂચનોમાંથી હવે રશિયા બહાર નીકળી ગયું છે. અમેરિકા આ સંધિમાંથી પહેલા જ અલગ થઈ ગયું છે. ઉલ્લેખનીય એ છે કે 16 જૂનના રોજ બાઈડન અને પુતિન વચ્ચે શિખર ચર્ચા થવાની છે. 

પૂર્વ રાષ્ટ્રપતિ  ડોનાલ્ડ ટ્રમ્પના કાર્યકાળ દરમ્યાન જ તેઓ આ સંધિમાંથી અલગ થઈ ગયા હતા     
અમેરિકાના અધિકારીઓએ રાશિયાને જણાવ્યું હતું કે જૉ બાઈડનના આવ્યા બાદ અમેરિકા ફરી ઓપન સ્કાય સંધિમાં ફરી સામેલ થવાનું નથી. આ નિર્ણય બાદ રશિયાના સાંસદોએ પણ સમર્થન આપ્યું. તમને જણાવી દઈએ કે અમેરિકાના પૂર્વ રાષ્ટ્રપતિ  ડોનાલ્ડ ટ્રમ્પના કાર્યકાળ દરમ્યાન જ તેઓ આ સંધિમાંથી અલગ થઈ ગયા હતા. એ સમયે ટ્રમ્પ દ્વારા રશિયા પર આરોપ લગાડવામાં આવ્યો હતો કે રશિયા આ સંધિનું પાલન નથી કરી રહ્યું. જ્યારે રશિયા કહે છે કે અમેરિકા આ નિયમોનું પાલન નથી કરી રહ્યું.  

શું છે આ ઓપન સ્કાય સંધિ ? 
આ સંધિનો મુખ્ય હેતુ રશિયા અને બીજા પશ્ચિમી દેશો વચ્ચે વિશ્વાસ વધારવાનો હતો. આ સંધિ મુજબ ત્રણ ડઝનથી પણ વધુ દેશોના સેના ક્ષેત્રમાં શું શું ગતિવિધિઓ થઈ રહી છે તે માટે એકબીજાના સેના ક્ષેત્ર પર આકાશમાંથી નજર રાખી શકતા હતા. આ સંધિ 2002માં લાગુ પાડવામાં આવી હતી. અને અત્યાર સુધીમાં 1500 થી વધુ ઉડાનો બીજા દેશો પર નજર રાખવા માટે કરવામાં આવી. સાથે જ એ પણ ધ્યાન રાખવામાં આવ્યું કે અન્ય દેશો તેમના સાધનોતો નથી વધારી રહ્યું.