BIG NEWS / ...તો પુતિનનો અસલી પ્લાન આવ્યો સામે! આ વ્યક્તિને બનાવાઇ શકાય છે યુક્રેનના રાષ્ટ્રપતિ

• પુતિન યુક્રેનમાં સત્તા ઉથલાવવાની તૈયારીમાં
• યુક્રેનના ભૂતપૂર્વ રાષ્ટ્રપતિ વિક્ટર યાનુકોવિચને બનાવી શકે છે યુક્રેનના રાષ્ટ્રપતિ
• કીવ ઈન્ડિપેંડેંટે ટ્વિટ કરીને આપી આ જાણકારી

કીવ ઈન્ડિપેંડેંટ (Kyiv Independent) એ એક ઓનલાઈન સમાચાર પત્રનાં રિપોર્ટને હવાલો આપતા ટ્વિટ કર્યું છે. અહેવાલમાં યુક્રેનના ગુપ્તચરોને સાધીને કહેવામાં આવ્યું છે કે, રશિયા તેમને યુક્રેનના રાષ્ટ્રપતિ તરીકે જાહેર કરવાનો પ્રયાસ કરશે. ક્રેમલિન યાનુકોવિચની યુક્રેન વાપસી માટેની કાર્યવાહીની તૈયારી કરી રહ્યું છે. યાનુકોવિચ વર્ષ 2014માં રશિયા ભાગી ગયા હતાં.

⚡️Media: Putin wants to reinstate Yanukovych as president of Ukraine.

Viktor Yanukovych is allegedly in Minsk, and the Kremlin is preparing an operation to replace Zelensky with the ex-president ousted by the EuroMaidan Revolution in 2014, according to Ukrainska Pravda’s sources

— The Kyiv Independent (@KyivIndependent) March 2, 2022

વિક્ટર યાનુકોવિચ 2010 માં યુક્રેનના ચોથા રાષ્ટ્રપતિના રૂપમાં પસંદ કરાયા હતાં અને મેદાનની ક્રાંતિ સુધી તેઓ પદ પર રહ્યાં હતાં. કીવમાં વિરોધીઓ, હુલ્લડ, પોલીસ અને શૂટર્સ સાથે જોડાયેલ હિંસક અથડામણોનાં પરિણામરૂપે ફેબ્રુઆરી 2014 માં યુક્રેનની સરકારને ઉથલાવી દેવામાં આવી અને યાનુકોવિચને પદ પરથી હટાવવામાં આવ્યાં. નવેમ્બર 2013 માં યુરોપિયન યુનિયન સાથે રાજકીય અને વેપાર સોદા પર હસ્તાક્ષર કરવાનો યાનુકોવિકના ઇનકારની પ્રતિક્રિયા તરીકે વિરોધ શરૂ થયો.

યાનુકોવિચે ફરી રશિયા માટે પોતાનો રસ્તો બતાવ્યો, જ્યાં તે ક્રેમલિનના રક્ષણ હેઠળ દેશનિકાલમાં રહી રહ્યાં છે. ક્રેમલિન સાથેની તેમની નિકટતા, યુક્રેનના લોકતાંત્રિક રીતે ચૂંટાયેલા રાષ્ટ્રપતિના રૂપમાં તેમના પહેલાંના કાર્યકાળ સાથે તેઓને પુતિન માટે એક સક્ષમ ઉમેદવાર બનાવે છે કે જે કીવમાં ચૂંટાયેલી સરકારને ઉથલાવી દેવા અને તેની જગ્યાએ કઠપૂતળી સરકાર સ્થાપિત કરવા માંગે છે.

રશિયા-યુક્રેન યુદ્ધનો આજે આઠમો દિવસ

રશિયા-યુક્રેન વચ્ચે ચાલી રહેલા યુદ્ધને આજે આઠમો દિવસ છે. રશિયા અને યુક્રેન વચ્ચે સતત તણાવ વધી રહ્યો છે. ત્યારે યુક્રેનના રાષ્ટ્રપતિ વોલોદીમિર ઝેલેંસ્કીએ બુધવારનાં મોડી રાત્રે ટેલિગ્રામ મેસેજિંગ સેવા પર પોસ્ટ કરેલા એક વીડિયોમાં તેમના દેશવાસીઓને સંબોધિત કર્યા. જેમાં તેમણે કહ્યું કે, યુક્રેન 'ડરપોક' રશિયાના અભિમાનને તોડવામાં સફળ રહ્યું છે. ઝેલેંસ્કીએ કહ્યું કે, તેમના દેશે એક અઠવાડિયામાં રશિયન રાષ્ટ્રપતિ વ્લાદિમીર પુતિનની ઘણાં વર્ષોની યોજનાઓને તોડી નાખી છે. ઝેલેંસ્કીએ કહ્યું કે, દરેક કબજેદારને ખબર હોવી જોઈએ કે તેને યુક્રેનના લોકો તરફથી ઉગ્ર બળવો પ્રાપ્ત થશે કે જેથી તેઓ હંમેશા યાદ રાખશે કે અમે હાર માનીશું નહીં.