સાઉથના સુપરસ્ટાર અલ્લૂ અર્જુનની આગામી ફિલ્મ 'પુષ્પા 2'ને લઇને ખૂબ ચર્ચા થઇ રહી છે. આ ફિલ્મને લઇને એક નવી માહિતી મળી છે કે ફિલ્મમાં આરઆરઆર સ્ટારને સામેલ કરી શકાય છે.
નિર્માતાએ હવે ફિલ્મ પુષ્પા 2ની તૈયારીઓ શરૂ કરી
અલ્લૂ અર્જુન પુષ્પા 2નુ શુટિંગ 12 ડિસેમ્બરથી શરૂ કરશે
ફિલ્મમાં સાઉથના રામ ચરણ દેખાઈ શકે છે
'પુષ્પા 2'માં સાઉથના રામ ચરણ દેખાઈ શકે
ટૉલીવુડ સુપરસ્ટાર અલ્લૂ અર્જુનની ફિલ્મ Pushpaએ ગયા વર્ષે લોકોને ખૂબ મનોરંજન પુરું પાડ્યુ. ફિલ્મના ગીત અને ડાયલોગ્સ પર ખૂબ રીલ્સ બની અને અત્યાર સુધી આ ફિલ્મનો નશો દર્શકોના માથા પરથી ઉતર્યો નથી. ત્યારબાદ નિર્માતાએ ફિલ્મના બીજા ભાગની જાહેરાત કરી દીધી અને હાલમાં ટીમ પુષ્પા 2ને લઇને તૈયારીઓમાં લાગી ગઇ છે. ફિલ્મનુ શુટિંગ પણ શરૂ થયુ છે. હવે સમાચાર છે કે ફિલ્મમાં સાઉથના રામ ચરણ દેખાઈ શકે છે. જેને જાણ્યા બાદ અલ્લૂ અર્જુન અને રામ ચરણના પ્રશંસકો વધુ ખુશ છે. અલ્લૂ અર્જુનની ફિલ્મ પુષ્પાએ ગયા વર્ષે બૉક્સ ઑફિસ પર ધૂમ મચાવી હતી.
અલ્લૂ અર્જુન પુષ્પા 2નુ શુટિંગ 12 ડિસેમ્બરથી શરૂ કરશે
નિર્માતાએ હવે ફિલ્મ પુષ્પા 2ની તૈયારીઓ શરૂ કરી દીધી છે. અલ્લૂ અર્જુન પુષ્પા 2નુ શુટિંગ 12 ડિસેમ્બરથી શરૂ કરશે. પુષ્પાના નિર્દેશક સુકુમાર ફિલ્મના બીજા પાર્ટ પુષ્પા 2ને બનાવવામાં લાગી ગયા છે. મીડિયાના અહેવાલ મુજબ દર્શકોને એન્ટરટેઇન કરવા માટે આ ફિલ્મમાં મોટા કલાકારોની એન્ટ્રી કરાવવામાં આવશે. મીડિયા રિપોર્ટસ મુજબ, સુકુમાર સુપરસ્ટાર રામ ચરણને આ ફિલ્મમાં કેમિયો કરાવશે. આ સમાચાર બાદ પ્રશંસકો વચ્ચે ખુશીની લહેર દોડી છે. જો કે, સત્તાવાર રીતે આ સમાચારની જાણકારી નિર્માતા અથવા ફિલ્મની ટીમ તરફથી આપવામાં આવી નથી.
પુષ્પા 2માં અભિનેત્રી રશ્મિકા મંદાના મુખ્ય ભૂમિકામાં દેખાશે
રામ ચરણ ફિલ્મ નિર્દેશક સુકુમારની સાથે તેમની પહેલાની ફિલ્મ રંગાસ્થલમમાં કામ કરી ચૂક્યા છે. આ ફિલ્મમાં રામ ચરણે મુખ્ય ભૂમિકા નિભાવી હતી. આ ફિલ્મ બૉક્સ ઑફિસ પર બ્લોકબસ્ટર સાબિત થઇ હતી. પુષ્પા 2માં સુપરસ્ટાર અલ્લૂ અર્જુનની સાથે અભિનેત્રી રશ્મિકા મંદાના મુખ્ય ભૂમિકામાં જોવા મળશે. જો રામ ચરણ આ ફિલ્મમાં કામ કરશે તો તેમનો કેમિયો રોલ દર્શકોને જોવા મળશે. આ ફિલ્મ આવતા વર્ષે 2024માં સિનેમાઘરોમાં રીલીઝ થઇ શકે છે.