ઉત્તરાખંડ / પુષ્કર સિંહ ધામીને લાગી લોટરી: સતત બીજી વાર બનશે મુખ્યમંત્રી, રાજનાથ સિંહે કરી જાહેરાત

• પુષ્કર સિંહ ધામી હશે ઉત્તરાખંડના મુખ્યમંત્રી
• ખટિમા સીટ પરથી ચૂંટણી હારી ગયા
• મુખ્યમંત્રી પદનું સસ્પેેંસ ખતમ

પુષ્કર સિંહ ધામી ફરી એક વાર ઉત્તરાખંડની ગાદી સંભાળશે. ભાજપના ધારાસભ્ય દળની બેઠકમાં તેમને સર્વસંમ્મતિથી ધારાસભ્ય દળના નેતા તરીકે ચૂંટવામાં આવ્યા છે. બેઠકમાં ભાજપના કેન્દ્રીય પર્યવેક્ષક રાજનાથ સિંહ અને મીનાક્ષી લેખી પણ હાજર રહ્યા હતા. આ સાથે જ રાજ્યમાં 11 દિવસથી ચાલી રહેલા મુખ્યમંત્રી પદનું સસ્પેંન્સ ખતમ થઈ ગયું છે. હકીકતમાં પુષ્કર ધામી વિધાનસભા ચૂંટણીમાં ખટીમા સીટ પરથી હારી જવાના કારણે અન્ય નેતા પણ સીએમ પદ માટે દાવેદારી કરી રહ્યા હતા. 

Pushkar Singh Dhami has been elected as the Leader of the Legislative Party. I congratulate him, I am confident that under his leadership Uttarakhand will make rapid progress: Rajnath Singh, Defence Minister and BJP's central observer for Uttarakhand, in Dehradun pic.twitter.com/5M765Eur3c

— ANI UP/Uttarakhand (@ANINewsUP) March 21, 2022

રાજનાથ સિંહે કરી જાહેરાત

રાજનાથ સિંહે મુખ્યમંત્રી પદ માટે પુષ્કર સિંહ ધામીના નામનું એલાન કરતા કહ્યું કે, ઉત્તરાખંડમાં 6 મહિનાનો કાર્યકાળમાં સીએમ તરીકે ધામીએ પોતાની આગવી છાપ છોડી છે. હવે રાજ્યના ફરીથી મુખ્યમંત્રી બનીને બહુઆયામી વિકાસ કરશે.

ગૃહમંત્રી અમિત શાહને ઘરે મળ્યા વરિષ્ઠ નેતાઓ

આ અગાઉ નામોને લઈને ચાલી રહેલા સસ્પેંસની વચ્ચે રવિવારે કેન્દ્રીય ગૃહમંત્રી અમિત શાહે પોતાના નિવાસ સ્થાને પ્રદેશ ભાજપના વરિષ્ઠ નેતાઓની સાથે બેઠક કરી હતી. આ બેઠકમાં નવી સરકારના ગઠન પર મંથન કરવામાં આવ્યું હતું.

ભાજપે વિધાનસભા ચૂંટણીમાં ઉત્તરાખંડની 70માંથી 47 સીટો પર જીત મેળવી હતી. પાર્ટીએ પૂર્ણ બહુમત સાથે સરકાર બનાવી છે. આપને જણાવી દઈએ કે, કોંગ્રેસને 19, બીએસપીને અને અપક્ષને 2-2 સીટો મળી છે.