જો તમે OLA S1 અને TVS આઈ ક્યૂબના મુકાબલાનું કોઈ ઈલેક્ટ્રીક સ્કૂટર લેવાનું વિચારી રહ્યા નથી તો હૈદરાબાદની સ્ટાર્ટઅપ કંપની પ્યોર ઈવીની એન્ટ્રસ નિયો સ્કૂટર ખરીદી શકો છો.
એક વખત ચાર્જ કરો અને 120 KM ચાલશે ઈલેક્ટ્રીક સ્કૂટર
6 કલર ઉપલબ્ધ
કિંમત એક્ટિવા કરતા પણ ઓછી
Etrance-Neo ઈલેક્ટ્રિક સ્કૂટરનો લૂક એકદમ શાનદાર છે, ફિચર્સની વાત કરવામાં આવે તે તેમાં OLA S1 અને TVS આઈ ક્યૂબ જેવા તમામ ફિચર્સ આપવામાં આવ્યા છે. સાથે જ એકવાત ખાસ છે કે, OLA S1 અને TVS આઈ ક્યૂબની કિંમતની સરખામણીએ તેની કિંમત ઓછી છે.
Pure EV એ Etrance-Neo સ્કૂટરની સ્ટાર્ટિંગ પ્રાઈઝ 78,999 રૂપિયા રાખવામાં આવી છે. OLA S1 અને TVS આઈ ક્યૂબની કિંમત સરેરાશ 1 લાખની આસપાસ છે. આ સ્કૂટરને દેશના 20 રાજ્યોમાંથી ખરીદી શકાય છે. તો દેશભરમાં 100થી વધુ ડિલર્સ પણ છે.
કંપનીએ કર્યો મોટો દાવો
કંપનીએ દાવો કર્યો છે કે, Etrance-Neo એકવખત ફૂલ ચાર્જ કર્યા બાદ 120 કિલોમીટર સુધી ચલાવી શકાય છે. તેની સ્પીડ 60 કિલોમીટર પ્રતિ કલાક છે. આ ઈલેક્ટ્રીક સ્કૂટર માત્ર 5 સેકન્ડમાં 0થી40 કિલોમીટર પ્રતિ કલાકની ગતિ પકડી શકે છે.
6 કલર ઉપલબ્ધ
ઉલ્લેખનીય છે કે, આ સ્કૂટરમાં 6 કલર ઉપલબ્ધ છે. વ્હાઈટ, રેડ, બ્લૂ, બ્લેક, ગ્રે અને સિલ્વર. આ ઈ સ્ક્ટૂરમાં 4 ઈંચની LCD ડિસ્પ્લે, રીજનરેટિવ બ્રેકિંગ, LED હેડલાઈટ અને એન્ટી-થેફ્ટ સ્માર્ટ લોક મળે છે.
પોર્ટેબલ બેટરી આપવામાં આવી છે
આ ઈલેક્ટ્રીક સ્કૂટરમાં 2.5 KWH લિથિયમ બેટરી છે, જે BLDC મોટર સાથે જોડાયેલી છે, જેમાં પોર્ટેબલ બેટરી આપવામાં આવી છે, જેને તમે બહાર કાઢી પણ શકો છો.