IPLIN
 

EV Fire / ભારે કરી! ગુજરાતમાં હવે આ કંપનીનું ઈ-બાઈક થયું 'ભડકો', સોશિયલ મીડિયામાં VIDEO વાયરલ

Team VTV 12:15 PM, 18 Jun 22 | Updated: 12:21 PM, 18 Jun 22
Follow us
pure ev electric scooter catches fire in gujarat know the reason

છેલ્લાં થોડા દિવસમાં ઈલેક્ટ્રીક સ્કૂટરોમાં આગ લાગવાની ઘણી ઘટનાઓ સામે આવી છે. ત્યારબાદ સરકાર પણ આ અંગે વિચારવા માટે મજબૂર થઇ ગઇ છે. સરકાર તરફથી ઘણી વખત ઈલેક્ટ્રીક વાહન નિર્માતાઓને કડક સંદેશ આપવામાં આવ્યો છે, પરંતુ તેમ છતા ઈલેક્ટ્રીક સ્કૂટર્સમાં આગ લાગવાની ઘટનાઓ બંધ થઇ નથી.

  • ઈલેક્ટ્રીક સ્કૂટરોમાં આગ લાગવાની ઘટનાઓ સામે આવી
  • સરકારે ઈલેક્ટ્રીક વાહન નિર્માતાઓને કડક સંદેશ આપ્યો
  • ગુજરાતમાં વધુ એક ઈ-સ્કૂટરમાં લાગી આગ, વાયરલ થયો વીડિયો

ગુજરાતમાં વધુ એક ઈ-સ્કૂટરમાં લાગી આગ

હવે ફરી એક વખત આવી ઘટના સામે આવી છે. ગુજરાતમાં પ્યોર ઈવીના વધુ એક ઈ-સ્કૂટરમાં આગ લાગવાનો મામલો સામે આવ્યો છે. સોશિયલ મીડિયામાં વાયરલ થયેલા વીડિયોમાં જોઇ શકાય છે કે પ્યોર ઈવીના ઈપ્લૂટો 7જી ઈ-સ્કૂટરમાં ચાર્જિગ દરમ્યાન આગ લાગી છે. ઘટના પાટણ જિલ્લાની સુવિધાનાથ સોસાયટીના એક ઘરમાં ગુરૂવારે ઘટી. વીડિયોમાં સ્કૂટર આગની જ્વાળામાં ઘેરાઈ ગયુ હોય તેવુ દેખાય છે. ઘટનામાં કોઈ જાનહાનિ થયાની સુચના નથી. થોડા દિવસો પહેલા પ્યોર એનર્જીના ઈલેક્ટ્રીક સ્કૂટરમાં આગ લાગવાની આ પાંચમી ઘટના છે. જો કે, અત્યાર સુધી પ્યોર ઈવીએ આગના કારણ અંગે કોઈ નિવેદન જાહેર કર્યુ નથી.

એપ્રિલમાં 2000 ઈલેક્ટ્રીક સ્કૂટરોને પાછા પણ મંગાવ્યા હતા

આની પહેલા ચાર અન્ય પ્યોર ઈવી ઈ-સ્કૂટરમાં આગ લાગી હતી. ચોથી ઘટના ગયા મહિને હૈદ્રાબાદથી રિપોર્ટ કરવામાં આવી હતી. ઉલ્લેખનીય છે કે પ્યોર ઈવીએ એપ્રિલમાં 2000 ઈલેક્ટ્રીક સ્કૂટરોને પાછા પણ મંગાવ્યા હતા. પરંતુ હવે ફરીથી તેના સ્કૂટરમાં આગ લાગવાની ઘટના સામે આવી છે. આની પહેલા ઓલાના ઈલેક્ટ્રીક સ્કૂટર્સમાં પણ આગ લાગવાની ઘટનાઓ સામે આવી ગઇ છે. ઈલેક્ટ્રીક ટુ-વ્હીલર્સમાં આગ લાગવી અને વિસ્ફોટ થવાની ઘટનાઓને જોઇને સરકાર ટુ-વ્હીલર્સના વાહનો માટે ઈવી બેટરી ધોરણોને રજૂ કરવાની યોજના બનાવી રહી છે. ત્યારબાદ ફોર વ્હીલર્સના વાહનો માટે લાવવામાં આવશે. 

electric scooter electric scooter fire Pure EV Electric Scooter ઈલેક્ટ્રીક સ્કૂટર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ