શોક / BIG BREAKING : પંજાબી એક્ટર દીપ સિદ્ધુનું રોડ એક્સિડન્ટમાં મોત, ખેડૂત આંદોલન વખતે આવ્યાં હતા ચર્ચામાં

• પંજાબી એક્ટર દીપ સિદ્ધુનું રોડ એક્સીડન્ટમાં મોત
• દિલ્હીથી પંજાબ આવતા કારને નડ્યો અકસ્માત
• ખેડૂત આંદોલન દરમિયાન આવ્યાં હતા ખૂબ લાઈમલાઈટમાં
• 26 જાન્યુઆરીની લાલ કિલ્લા હિંસાના આરોપી પણ હતા

પંજાબના અભિનેતા દીપ સિદ્ધુનું માર્ગ અકસ્માતમાં મોત થયું છે. કુંડલી માનેસર એટલે કે  હાઇવે પાસે આ અકસ્માત સર્જાયો હતો. દીપ સિદ્ધુ પોતાના સાથીઓ સાથે દિલ્હીથી પંજાબ પરત ફરી રહ્યા હતા ત્યારે આ ઘટના બની. તેમને ઘાયલ અવસ્થામાં હોસ્પિટલ લવાયા હતા જ્યાં સારવાર દરમિયાન તેમનું અવસાન થયું હતું. 

દિલ્હીથી કારમાં પંજાબ પાછા આવી રહ્યાં હતા ત્યારે થયો એક્સિડન્ટ

દિલ્હીથી પંજાબ આવતી વખતે દિપ સિદ્ધુની કારનો એક્સિડન્ટ થયો હતો. ટોલ પ્લાઝા પાસે તેમની કાર કન્ટેનર સાથે અથડાઈ હતી. તેઓ સ્કોર્પિયો ગાડીમાં સફર કરી રહ્યાં હતા. તેમની સાથે એક મહિલા મિત્ર પણ હતી જેમને ગંભીર ઈજા પહોંચી છે. 

Punjabi actor Deep Sidhu dies in a road accident near Sonipat in Haryana, confirms Sonipat Police. Details awaited.

He was also earlier named as an accused in the 2021 Red Fort violence case. pic.twitter.com/CoLh8ObkJJ

— ANI (@ANI) February 15, 2022

ખેડૂત આંદોલન દરમિયાન ચર્ચામાં આવ્યાં હતા, લાલ કિલ્લા હિંસા કેસના આરોપી હતા 

દીપ સિદ્ધુ કેન્દ્ર સરકારના કૃષિ સુધારા કાયદા વિરુદ્ધ ખેડૂત આંદોલન દરમિયાન ચર્ચામાં આવ્યાં હતા. ગયા વર્ષે 26 જાન્યુઆરીએ લાલ કિલ્લા પર થયેલી હિંસામાં પણ તેમને આરોપી બનાવાયા હતા અને દિલ્હી પોલીસે તેમની ધરપકડ પણ કરી હતી. સિદ્ધુ પંજાબની ચૂંટણીમાં અમરગઢથી શિરોમણી અકાલી દળ અમૃતસરના પ્રમુખ સિમરનજીત સિંહ માન માટે પણ પ્રચાર કરી રહ્યા હતા.

કરિયરની શરૂઆત મોડલિંગથી કરી
એપ્રિલ 1984માં પંજાબના મુક્તસર જિલ્લામાં જન્મેલા દીપ સિદ્ધુએ પોતાના કરિયરની શરૂઆત મોડલિંગથી કરી હતી. કાયદાનો ઊંડો અભ્યાસ કર્યો. તેઓ કિંગફિશર મોડલ હન્ટનો વિજેતા બન્યા હતા. તેમણે મિસ્ટર ઇન્ડિયા કોન્ટેસ્ટમાં મિસ્ટર પર્સનાલિટીનો ખિતાબ પણ જીત્યો હતો. 2015માં તેમની પહેલી પંજાબી ફિલ્મ 'રામતા જોગી' રિલીઝ થઈ હતી. જોકે દીપ 2018માં આવેલી ફિલ્મ ઝોરા દાસ નંબરિયાથી ફેમસ થયા હતા.