પંજાબના રોપરના એક ગામ સલેમપૂરની પાસે ભાખરા નહેરમાંથી રેમડેસીવિર ઇન્જેકશનન મોટા પ્રમાણમાં મળી આવ્યા છે.
રેમડેસિવિરનો જથ્થો પાણીમાં મળ્યો
ભાખડા નહેરમાં તરતા દેખાયા
ઈન્જેક્શન અસલી કે નક્લી તપાસ શરૂ
આ ઇન્જેક્શનની સાથો-સાથ એંટીબાયોટિક ઇન્જેક્શન સૈફાપેરાજોન પણ કેનાલમાંથી મળી આવ્યા છે.
ચંડીગઢ : ભારતમાં કોરોના વાઇરસનું સંક્રમણ દિવસે ને દિવસે વધી રહ્યું છે એવામાં ઘણા રાજ્યોમાં રેમડેસીવિર ઇન્જેકશનની અછત સર્જાઈ રહી છે . એવામાં ઇન્જેકશનનો મોટો જથો પંજાબના રોપરના એક ગામ સલેમપૂરની પાસે ભાખડા નહેરમાંથી મળી આવ્યો છે.
ઇન્જેકશન અસલી છે કે નકલી એની પુષ્ટિ હજુ સુધી થઈ શકી નથી
આરોગ્ય વિભાગના ઇન્સ્પેક્ટર તેજીન્દરસિંહએ કહ્યું કે, રેમડેસીવિરના 671 જેટલા ઇન્જેકશન, 1456થી પણ વધારે એંટીબયોટિક ઇન્જેક્શન, સૈફાપેરાજોન અને 849 કોઈપણ પ્રકારના નામ વગરના ઇન્જેક્શન મળી આવ્યા છે. કંપનીના નામની પ્રિન્ટ પાણીમાં ધોવાઈ ગઈ છે. શરૂઆતમાં આ ઇન્જેક્શન નકલી લાગી રહ્યા હતા પણ હાલ કોઈ પણ પ્રકારની પુષ્ટિ થઈ શકી નથી અને તે અંગે હજી તપાસ ચાલુ છે.
સ્થાનિક પોલીસ અને આરોગ્ય વિભાગની ટીમ તપાસમાં લાગી
મળેલી માહિતી મુજબ સલેમપૂર ગામના રેહવાસી ભાગસિંહએ ભાખરા નહેરમાં રેમડેસીવિર ઇન્જેક્શન જોયા બાદ તેની જાણ સ્થાનિક પોલીસને અને આરોગ્ય વિભાગને કરી હતી, આ માહિતી મળતાની સાથે પોલીસ અને આરોગ્ય વિભાગના અધિકારી ઘટનાસ્થળ પર પહોંચ્યા હતા અને સમગ્ર મામલે તપાસ હાથ ધરી છે.