નિયમ / LPG-CNG કિટ અને ઈલેક્ટ્રિક વાહનોના રજિસ્ટ્રેશન માટે હવે કરવું પડશે આ કામ, જાણીને લાગશે ઝટકો

• LPG-CNG કિટ અને ઈલેક્ટ્રિક વાહનોના રજિસ્ટ્રેશન માટે આપવો પડશે ચાર્જ
• આ પ્રોસેસિંગ ફી 5000 રૂપિયા નક્કી કરવામાં આવી છે
• અધિકૃત ડીલરોએ પ્રોસેસિંગ ફી ચૂકવવાની રહેશે

કેબિનેટે હરિયાણાને જોતા પંજાબ મોટર વાહન નિયમ 1989ની કલમ 130 સાથે કલમ 130 એ ઉમેરવાની મંજૂરી આપી છે. આ સાથે હવે મોટર વાહન બનાવતી કંપનીઓ અથવા તેમના અધિકૃત ડીલરો પાસેથી ઇલેક્ટ્રિક વાહનોના નવા મોડેલ અથવા એલપીજી સીએનજી કીટ અથવા ઈલેક્ટ્રિક વાહનોના રજિસ્ટ્રેશન માટે મંજૂરી આપવા માટે પ્રોસેસિંગ ફી તરીકે 5 હજાર રૂપિયા લેવામાં આવશે. આ નિર્ણયથી આવક તો વધશે જ સાથે એ પણ જાણી શકાશે કે કઈ કંપની કેટલા સીએનજી અથવા એલપીજી અને ઇલેક્ટ્રિક વાહનો બનાવ્યા છે.

આ મંજૂરી માટે વાહન નિર્માતાઓ અથવા તેમના દ્વારા અધિકૃત ડીલરોએ સેન્ટ્રલ મોટર વાહન નિયમ, 1989ની કલમ 126 હેઠળ નોંધાયેલા અધિકૃત ટેસ્ટિંગ એજન્સીઓ દ્વારા જારી કરાયેલ ક્લિયરન્સ પ્રમાણપત્ર બનાવવું પડશે. નવા મોડેલો અથવા મોટર વાહનોના અન્ય સ્વરૂપોની નોંધણીને મંજૂરી આપવાનો અધિકાર પરિવહન વિભાગની બિન-વ્યવસાયિક વિંગને આપવામાં આવ્યો છે. કેબિનેટે વાહન વ્યવહાર વિભાગની બિન-વ્યવસાયિક વિંગને મોટર વાહનો અથવા તેના અન્ય સ્વરૂપોના નવા મોડલ્સની નોંધણીનો અધિકાર આપવાનો નિર્ણય કર્યો છે.

આ રાજ્યોમાં નિયમ પહેલાથી લાગુ છે

હાલમાં, પંજાબ સરકાર તરફથી રાજ્યમાં રજિસ્ટ્રેશનની મંજૂરી માટે મોટર વાહન નિર્માતાઓ અથવા તેમના દ્વારા અધિકૃત ડીલરો પાસેથી કોઈ પ્રોસેસિંગ ફી લેવામાં આવતી નથી, જ્યારે હરિયાણા, હિમાચલ પ્રદેશ, જમ્મુ કાશ્મીર અને ચંદીગઢમાં કંપનીઓ અને તેમના ડીલરોએ આ ફી ચૂકવવી પડે છે.