જો તમે સરકારી બેંકમાં નોકરી કરવા માટેની તૈયારી કરી રહ્યા છો, તો તમારી પાસે એક સારી તક છે. પંજાબ નેશનલ બેંકમાં વેકેન્સી નીકળી છે અને તેના માટે અરજી કરવાની પ્રક્રિયા પણ શરૂ થઈ ગઈ છે. નોકરી માટે અરજી કરવાની છેલ્લી તારીખ 13 જાન્યુઆરી 2020 છે. આ વેકેન્સી માટે તમારે ઓફલાઈન મોડનો ઉપયોગ કરવો પડશે.
પંજાબ નેશનલ બેંકમાં ભરતી પ્રક્રિયા શરૂ
ગ્રેજ્યુએટ લોકો માટે ઉત્તમ તક
13 જાન્યુઆરી સુધી કરી શકશો અરજી
કુલ પોસ્ટ
પીએનબીએ 12 પોસ્ટ માટે વેકેન્સી બહાર પાડી છે. આ વેકેન્સીમાં 5 પોસ્ટ બિનઅનામત માટે, 3 પોસ્ટ પછાત વર્ગો માટે, 3 પોસ્ટ અનુસૂચિત જાતિ માટે, 1 પોસ્ટ અને 1 પોસ્ટ આર્થિક રીતે નબળાં વર્ગ માટે છે. આ વેકેન્સી મેનેજર સુરક્ષા પોસ્ટ માટે છે.
અરજી કરવાની તારીખ
ઉમેદવારો આ વેકેન્સી માટે 27 ડિસેમ્બર 2019થી અરજી ફોર્મ ડાઉનલોડ કરી શકે છે. આ વેકેન્સી માટે ઉમેદવારો 10 જાન્યુઆરી 2020 સુધી એપ્લિકેશન ફોર્મ અને કેશ વાઉચર ડાઉનલોડ કરી શકે છે. જ્યારે, અરજી કરવાની છેલ્લી તારીખ 13 જાન્યુઆરી 2020 સુધી છે.
પે-સ્કેલ
આ પોસ્ટ માટે ઉમેદવારને દર મહિને 31,705 રૂપિયાથી લઈને 45,950 રૂપિયા પગાર મળશે.
શૈક્ષણિક લાયકાત
ગ્રેજ્યૂએશન કરેલાં ઉમેદવારો આ પોસ્ટ માટે અરજી કરી શકે છે. ગ્રેજ્યૂએશન કોઈ માન્યતા પ્રાપ્ત યૂનિવર્સિટીમાંથી કરેલું હોવું જોઈએ. વધુ માહિતી માટે તમે પીએનબીની ઓફિશિયલ વેબસાઈટ pnbindia.in પર પણ જઈ શકો છો.