પ્રયોગ / આ રાજ્યમાં થશે હવે દારૂની ફ્રી હોમ ડિલીવરી, ટ્રાયલ રન કરાયો શરૂ

• પંજાબ સરકારનો મોટો નિર્ણય
• ઘરે બેઠાં મળશે દારૂની ડિલિવરી 
• મોહાલીમાં શરૂ થયો પ્રાયોગિક પ્રોજેક્ટ 

ઉલ્લેખનીય છે કે, પંજાબ સરકારનો આ પ્લાન સફળ થાય તો ટૂંક સમયમાં પંજાબના વિવિધ શહેરોમાં ખાણી-પીણીના સામાનની સાથે દારૂ પણ ઓનલાઇન મંગાવી શકાશે અને ઘર સુધી હોમ ડિલિવરી પણ આપવામાં આવશે. આવું કરનાર પંજાબ દેશનું પ્રથમ રાજ્ય બની જશે. આ પહેલા 2018માં મહારાષ્ટ્ર સરકાર દ્વારા આ પ્રકારના પ્લાનની વાત રજૂ કરવામાં આવી હતી પરંતુ તેનું બાળમરણ થયું હતું. 

ઘરે બેઠાં મળશે દારૂની બોટલ 

શુક્રવારે વર્ષ 2020-21 માટે રાજ્યની નવી એક્સાઇઝ પોલીસીની જાહેરાત કરવામાં આવી. પોલીસીમાં રાજ્ય સરકારે મોહાલીમાં ટ્રાયલ બેઝ પર એક ઓનલાઇન પ્લેટફોર્મ બનાવવાનો પ્રસ્તાવ રજૂ કરવામાં આવ્યો છે. જેના દ્વારા દારૂની ડિલિવરી આપવામાં આવેશે. સરકારે સ્પષ્ટ કર્યું છે કે, આ પ્લાનને શહેરના તમામ લાયસન્સ ધારક વેપારીઓ સાથે ચર્ચા કરી છે અને જો કોઇ મુશ્કેલી જણાશે તો તે બંધ પણ કરવામાં આવશે. 

કાયદાકીય અડચણો ઓછી નહીં હોય 

આ દરખાસ્તને લઈને પંજાબ સરકારે દારૂ વેચનારાઓની સમક્ષ રજૂઆત કરી છે. જો કે, ઓનલાઇન ડિલિવરી સિસ્ટમ લાગુ કરવાની દિશામાં સરકાર માટે કાનૂની અડચણો ઓછી નહીં હોય. આબકારી અને કરવેરાના જાણકાર અજય જગ્ગાએ કહ્યું કે આ પ્રસ્તાવ બંધારણની ભાવના વિરુદ્ધ છે.