લો બોલો / ભંગારવાળો ગામમાં લઈ આવ્યો વાયુસેનાના 6 હેલિકોપ્ટર, સાથે સેલ્ફિ ક્લિક કરાવા આખુ ગામ ભેગું થયું

• પંજાબના માનસામાં ભંગારવાળાએ ખરીદ્યા 6 હેલિકોપ્ટર 
• વાયુસેનાના જુના હેલિકોપ્ટર ઓક્શનમાં ખરીદ્યા
• 6માંથી 3 વેચાઈ ગયા, બાકીના 3ને જોવા માટે ભીડ જમા થઈ ગઈ

પંજાબના માણસા જિલ્લામાં એક ભંગારવાળાએ ભારતીય સેનાના ખરાબ થઈ ચુકેલા હેલિકોપ્ટરોને ખરીદ્યા છે. ભંગારવાળાએ ઓક્શનમાં 6 હેલિકોપ્ટર ખરીદ્યા, જેમાંથી 3 વેચાઈ ગયા. આ હેલિકોપ્ટર્સમાંથી દરેકનું વજન 10 ટન છે. જેને જોવા માટે લાઈનો લાગી ગઈ છે. 

એરબેઝથી 6 હેલિકોપ્ટરો ખરીદ્યા
પંજાબમાં ભંગારના વ્યાપારી મિટ્ટૂ ભંગારવાળાના દિકરા ડિંપલ અરોડાએ ઉત્તર પ્રદેશના સહારનપુરના સરસવા એરબેઝથી 6 હેલિકોપ્ટરોને ખરીદ્યા. મીડિયા રિપોર્ટ્સ અનુસારા ભંગારવાળાએ 6 હેલિકોર્ટ્સ માટે 72 લાખ રૂપિયાની કિંમત ચુકવી છે. 6માંથી 3 હેલિકોપ્ટર વેચાઈ ગયા. જ્યારે 3 હજુ બાકી છે. જે આકર્ષણનું કેન્દ્ર બન્યા છે. 

ફોટો ક્લિક કરવા લાગી લોકોની ભીડ 
ખરીદવાના થોડા સમય બાદ જ 3 હેલિકોપ્ટર વેચાઈ ગયા, તેમને મુંબઈમાં ફિલ્મ પ્રોડક્શન સાથે જોડાયેલા એક વ્યક્તિ અને લુધિયાનાના એક હોટલ કારોબારીએ ખરીદ્યા છે. હેલિકોપ્ટરોને ટ્રોલી પર મુકીને સડક માર્ગ દ્વારા લાવવામાં આવ્યા છે. મોટી સંખ્યામાં લોકો આવીને તેની સાથે ફોટો ક્લિક કરાવી રહ્યા છે.