હરિયાણા બાદ હવે પંજાબમાં સ્થાનિક ચૂંટણીના પરિણામ ભાજપ માટે શુભ સંકેત નથી. કોંગ્રેસે આ ચૂંટણીઓમાં રેકૉર્ડ તોડ જીત મેળવી છે.
પંજાબમાં સ્થાનિક સ્વરાજની ચૂંટણીના આવી રહ્યા છે પરિણામ
ખેડૂત આંદોલનની દેખાઈ રહી છે અસર
ભાજપના સૂપડા સાફ
પંજાબમાં સ્થાનિક સ્વરાજ્યની ચૂંટણીના પરિણામો સામે આવી રહ્યા છે જેમાં ભાજપને ભારે નુકસાન થતું દેખાઈ રહ્યું છે. 8 નગરનિગમ અને 109 નગરપાલિકા-મહાનગરપાલિકા(117 સ્થાનિક ચૂંટણી) માટે 14 ફેબ્રુઆરીને મતદાન થયું હતું. પરિણામો બંપર જીત મળી રહી છે. મુખ્ય વિપક્ષી પાર્ટી શિરોમણી અકાળી દળને આ પરિણામોથી સૌથી મોટો ઝટકો લાગ્યો છે.
પંજાબમાં સ્થાનિક સ્વરાજ્યની ચૂંટણી
પંજાબમાં સ્થાનિક સ્વરાજ્યની ચૂંટણીના પરિણામો આજે જાહેર કરવામાં આવી રહ્યા છે. ત્યારે પરિણામોમાં કોંગ્રેસ એકતરફી બાજી મારતું દેખાઈ રહ્યું છે. 7 મહાનગરપાલિકામાંથી 6 પર તો કોંગ્રેસે અત્યાર સુધીમાં જીત મેળવી લીધી છે અને અન્ય 1 પર પણ આગળ ચાલી રહી છે.
શાતિર તાકાતોને હરાવવા માટે લોકોનો આભારઃ મુખ્યમંત્રી અમરિંદર
પંજાબના મુખ્યમંત્રી કેપ્ટન અમરિંદરસિંહે રાજ્યની સ્થાનિક ચૂંટણીઓમાં કોંગ્રેસ પાર્ટીની શાનદાર જીતના વખાણ કર્યા. તેમણે કહ્યું કે, આ જીત ન માત્ર તેમની સરકાર અને વિકાસોન્મુખી નીતિઓ અને કાર્યક્રમોની માન્યતા હતી, પરંતુ પ્રમુખ વિપક્ષી દળો શિરોમણી અકાળી દળ આમ આદમી પાર્ટી અને ભાજપના જન વિરોધી કાર્યોની કુલ અસ્વીકૃતિ પણ છે. તેમણે પંજાબ અને તેના ભવિષ્યને બરબાદ કરવા માટે નકારાત્મક અને શાતિર તાકાતોને હરાવવા માટે લોકોનો આભાર માન્યો અને શુભેચ્છા આપી.
Today's results in MC Elections are the victory of each Punjabi. It is very clear that people of Punjab want development & will not be fooled by politics of hatred & theatrics. I thank everyone for reposing faith in us & especially our @INCIndia workers who worked day and night. pic.twitter.com/HGHTotRifs
સ્થાનિક ચૂંટણીમાં કોંગ્રેસે અત્યાર સુધીમાં 1815 વોર્ડ(મ્યુનિસિપલ કાઉન્સિલ ચૂંટણીઓ)માંથી 1199 અને 350 નગર પાલિકામાંથી 281 બેઠકો જીતી લીધી છે, જ્યારે શિરોમણી અકાળી દળે 289 અને 22, ભાજપે 38 અને 20 પર, આમ આદમી પાર્ટીએ 57 અને 9 બેઠકો પર જીત મેળવી લીધી છે. બઠિંડા, હોશિયારપુર, મોગા અને પઠાણકોટ જિલ્લાઓમાં 2015ના મ્યુનિસિપલ કાઉન્સિલ ચૂંટણીઓની તુલનામાં પરિણામો કોંગ્રેસના પક્ષમાં આવી ગયા છે. પાર્ટીની સ્થિતિમાં ઘણો સુધારો થયો છે અને હવે તેમની પાાસે 149 બેઠકો થઇ ગઇ છે.
બાટલા નગર નિગમ : કોંગ્રેસ 35, અકાલી દળ 6, ભાજપ 4, AAP 3 અને અપક્ષ 1
મોગા નગર નિગમ : કોંગ્રેસ 20, અકાલી દળ 15, ભાજપ 1, AAP 4 અને અપક્ષ 10
મ્યુનિસિપલ કાઉન્સિલ શ્રી હરગોબિંદપુર કુલ વોર્ડ 11
કોંગ્રેસ : 3
અકાલી દળ : 2
ભાજપ : 0
આમ આદમી પાર્ટી : 0
અપક્ષો : 6
મનપા કાઉન્સિલ શ્રી ફતેહગંજ ચૂડિયા કુલ વોર્ડ 13
કોંગ્રેસ : 12
અકાલી દળ : 1
ભાજપ : 0
આમ આદમી પાર્ટી : 0
અપક્ષો : 0
બઠિંડા બેઠક પર કોંગ્રેસે ઈતિહાસ રચ્યો
કોંગ્રેસ નેતા મનપ્રીત સિંહ બાદલે પણ ટ્વિટ કરીને જાણકારી આપી કે બઠિંડામાં પણ કોંગ્રેસની જીત થઈ છે. લગભગ 53 વર્ષ બાદ એવું બન્યું છે કે જ્યારે અહીં કોંગ્રેસ પાર્ટીનો મેયર બનશે. ઉલ્લેખનીય છે કે આ પહેલા બઠિંગ નગર નિગમમાં શિરોમણી અકાલી દળનો કબ્જો હતો.
History has been made today!
Bathinda will get a Congress Mayor for the 1st time in 53 years!
Thank you to ALL Bathinda residents.
Congratulations to the people of Bathinda for a spectacular victory.
Kudos to all Congress candidates and workers, who toiled for this day. pic.twitter.com/Xvczq5MjfU
પંજાબની 7 મહાનગરપાલિકાના પરિણામોની વાત કરીએ તો તમામ બેઠકો પર કોંગ્રેસ લીડ કરી રહી છે. જેમાંથી 5 બેઠકો કોંગ્રેસે જીતી લીધી છે. ભાજપ માટે આ સૌથી મોટો ઝટકો સાબિત થયો છે.
ગુરદાસપુરમાં શિરોમણી અકાલી દળના પ્રમુખ અને પૂર્વ ધારાસભ્ય જી.એસ. બબ્બેહાલીને મોટો ઝટકો મળ્યો છે. અહીં કોંગ્રેસે તમામ 29 વોર્ડ પર જીત મેળવી ક્લિન સ્વીપ કર્યુ છે. ઉલ્લેખનીય છે કે ગુરુદાસપુર બોલીવુડ ઍક્ટર અને ભાજપના સાંસદ સની દેઓલનો મતક્ષેત્ર છે. આવામાં ભાજપાન ગઢ સમાન ક્ષેત્રમાં ક્લિન સ્વીપ થતાં ભાજપની ચિંતા વધશે.
પંજાબના રાજપુર નગર નિગમની 27 સીટો પર કોંગ્રેસનો કબ્જો. એક પર અકાલી દળ અને બે પર ભાજપની જીત થઈ છે.
નવાનશહેરના 11 વોર્ડમાં કોંગ્રેસે વિજય મેળવ્યો છે, જ્યારે કુરાલીમાં પાર્ટીએ 9 બેઠકો પર વિજય મેળવ્યો હતો, જ્યારે અપક્ષોએ પાંચ અને શિરોમણિ અકાલી દળને બે બેઠક મળી હતી. સમાચાર અહીંના કોંગ્રેસ માટે બટિંડાથી રોમાંચક છે, જ્યાં મહાપાલિકામાં પાર્ટી પહેલીવાર મેયર બનાવવાની સ્થિતિમાં પહોંચી છે.
કોંગ્રેસ પંજાબના બટાલા અને પઠાણકોટ મહાનગરપાલિકાઓમાં ક્લીન સ્વીપ કરતી જોવા મળી રહી છે.
કરતારપુર સાહિબમાં એક વોર્ડમાં શિરોમણિ અકાલી દળનો વિજય થયો છે, જ્યારે અપક્ષના નામે અહીં 10 વોર્ડ થયાં છે.
ખેડૂત આંદોલન વચ્ચે ચૂંટણી પરિણામ
પંજાબમાં સ્થાનિક સ્વરાજ્યની કુલ 117 સંસ્થાઓ ઉપર 9 હજારથી વધુ ઉમેદવારોનું ભાવિ દાવ પર છે. દરેકની નજર ખેડૂત આંદોલનની ગરમીમાં યોજાયેલી આ ચૂંટણીઓનાં પરિણામો પર છે.
સ્થાનિક સ્વરાજ્યની ચૂંટણીના આ પરિણામોમાં કોંગ્રેસને કૃષિ કાયદાના જોરદાર વિરોધનું ફળ મળી રહ્યું છે. અહીં પાર્ટી શહેરી સંસ્થાઓમાં શાનદાર પ્રદર્શન કરતી જોવા મળી રહી છે. તે જ સમયે, અકાલી દળ અને AAPની કામગીરી તેમની અપેક્ષાઓ અને દાવા મુજબ જોવા મળી નથી, જ્યારે ભાજપ આ કૃષિ કાયદાની ચૂકવણી કરતી જોવા મળી રહી છે.