ચુકાદો / યૌનવસ્થામાં પ્રવેશ્યા બાદ મુસ્લિમ યુવતી પોતાની મરજીથી લગ્ન કરી શકે છે: હાઇકોર્ટનો મહત્વનો ચુકાદો

• હિન્દુ છોકરાએ 17 વર્ષની મુસ્લિમ છોકરી સાથે લગ્ન કરી લીધા
• યુવકની ઉંમર 33 વર્ષની 
• પંજાબ હરિયાણા હાઇકોર્ટે આપ્યો મહત્વનો ચુકાદો 

પરિવારજનો અને સંબંધીઓની ઈચ્છા વિરુદ્ધ એક હિન્દુ છોકરાએ 17 વર્ષની એક મુસ્લિમ છોકરી સાથે લગ્ન કરી લીધા હતા. આઅ મુદ્દે હાઇકોર્ટે ( PUNJAB HARYANA HIGH COURT )  પોલીસને આ કપલને સુરક્ષા આપવાનો આદેશ આપ્યો હતો. કોર્ટે એ પણ સ્પષ્ટ કર્યું હતું કે યૌનઅવસ્થામાં પહોંચ્યા બાદ મુસ્લિમ યુવતી કોની સાથે લગ્ન કરવા તે નક્કી કરવા માટે સ્વતંત્ર છે. જો સંબંધ બરબરીનો હોય તો તો બીજા કોઈને પણ હસ્તક્ષેપ કરવાનો કોઈ જ અધિકાર નથી. 

યુવતી 17 ની અનેવ યુવક 33 નો 

એક ન્યૂઝ પેપરમાં જણાવાયા  અનુસાર જજ જસ્ટિસ હરનરેશ સિંહ ગિલે કહ્યું, 'કાયદો સ્પષ્ટ છે કે મુસ્લિમ યુવતીના લગ્ન મુસ્લિમ પર્સનલ લો દ્વારા થાય છે. સર દિનશાહ ફરદુનજી મુલ્લાના પુસ્તક 'પ્રિન્સિપલ્સ ઑફ મોહમ્મડન લૉ'ની કલમ 195 મુજબ, પિટિશનર નંબર 1 (છોકરી), 17 વર્ષની ઉંમરની હોવાથી, તેની પસંદગીની વ્યક્તિ સાથે લગ્ન કરવા માટે સક્ષમ છે. અરજદાર નંબર 2 યુવતીની સાથી ની ઉંમર આશરે 33 વર્ષની હોવાનું કહેવાય છે. જો કે અરજદાર નંબર 1 મુસ્લિમ પર્સનલ લો મુજબ લગ્નપાત્ર વયની જ છે.

કોર્ટે આ મુદ્દાને બંધારણીય અધિકાર સાથે સરખાવ્યો હતો. 

અરજદારોની આશંકાઓ દૂર કરવી જરૂરી છે
ન્યાયાધીશ જસ્ટિસ ગિલે કહ્યું, 'અરજીકર્તાઓની આશંકાઓ દૂર કરવાની જરૂર છે. માત્ર એટલા માટે કે અરજદારોએ તેમના પરિવારના સભ્યોની મરજી વિરુદ્ધ લગ્ન કર્યા છે, તેથી તેઓને બંધારણના મૂળભૂત અધિકારોથી વંચિત કરી શકાય નહીં.

અરજદારના વકીલે દલીલ કરી હતી કે મુસ્લિમ કાયદા હેઠળ એવું માનવામાં આવે છે કે વ્યક્તિ 15 વર્ષની ઉંમરે પુખ્ત બને છે. વકીલે એવી પણ દલીલ કરી હતી કે મુસ્લિમ છોકરો અથવા મુસ્લિમ છોકરી યૌનઅવસ્થામાં પ્રવેશ્યા પછી તેની પસંદગીની કોઈપણ વ્યક્તિ સાથે લગ્ન કરી શકે છે અને તેમના પરિવારના સભ્યોને દખલ કરવાનો કોઈ અધિકાર નથી.