બાળકને પિતા દ્વારા ગેરકાયદેસર રીતે રાખવામાં આવ્યું હોવાની માતા દ્વારા કરાયેલી અરજીને પંજાબ-હરિયાણા હાઈકોર્ટે ફગાવી દીધી.
પિતા દ્વારા બાળકને ગેરકાયદેસર રીતે રાખવામાં આવ્યું હોવાની માતાની અરજીને કોર્ટે ફગાવી
પિતા સાથે પુત્રની હાજરીને ગેરકાયદેસર ન ગણાય: પંજાબ-હરિયાણા હાઈકોર્ટ
આવાં કિસ્સાઓમાં એ પહેલાં જોવાય છે કે બાળકનું હિત કોની સાથે રહેવામાં રહેલું છે: કોર્ટ
પંજાબ-હરિયાણા હાઈકોર્ટે બાળકને પિતા દ્વારા ગેરકાયદેસર રીતે રાખવામાં આવ્યું હોવાની દલીલ કરીને બાળકને છોડવા માટે માતા દ્વારા દાખલ કરવામાં આવેલી અરજીને ફગાવી દીધી છે. હાઈકોર્ટે જણાવ્યું હતું કે, પિતા સાથે પુત્રની હાજરીને ગેરકાયદેસર કસ્ટડી ન ગણી શકાય. આ કેસમાં હેબિયસ કોર્પસની અરજી માન્ય નથી.
મહિલાએ પતિ અને સાસરિયા પર પોતાના બાળકને ગેરકાયદેસર રીતે રાખવાનો આરોપ લગાવ્યો
તમને જણાવી દઇએ કે, મહિલાએ પોતાના પતિ અને સાસરિયાવાળાં પર પોતાના બાળકને ગેરકાયદેસર રીતે રાખવાનો આરોપ લગાવી હેબિયસ કોર્પસની પિટિશન (અરજી) દાખલ કરી હતી. જલંધરની રહેવાસી મહિલા પૂનમ કલસીએ જણાવ્યું હતું કે, તેના પતિ અને સાસરિયાવાળાં બળજબરીથી પોતાના 3 વર્ષના પુત્રને પોતાની સાથે લઈ ગયા છે.
તે તેના પતિ અને સાસરિયાઓ પાસે સુરક્ષિત નથી કારણ કે તેઓની સામે અનેક ફોજદારી કેસ નોંધાયેલા છે. અરજદારે હાઇકોર્ટને વોરંટ ઓફિસરની નિમણૂંક કરવા અપીલ કરી હતી, જેથી કરીને અરજદારના બાળકને તેના પતિ અને સાસરિયાઓના ગેરકાયદેસર કબજામાંથી મુક્ત કરી શકાય.
સગીર બાળક પર માતા કે પિતા કોઈનો પણ અંતિમ અધિકાર નથી હોતો: કોર્ટ
અરજદારના પતિ અને સાસરિયાઓએ કહ્યું કે, આ મામલાનો ગાર્જિયન એન્ડ વોર્ડ એક્ટ અંતર્ગત પિટિશન દાખલ કરીને ઉકેલ લાવી શકાત, પરંતુ અરજદારે હેબિયસ કોર્પસ પિટિશન દાખલ કરી દીધી જે માન્ય નથી. હાઈકોર્ટે કહ્યું કે, સગીર બાળક પર માતા કે પિતા કોઈનો પણ અંતિમ અધિકાર નથી હોતો.
આવાં કિસ્સાઓમાં, એવું સૌ પહેલાં જોવામાં આવે છે કે આખરે બાળકનું હિત કોની સાથે રહેવામાં રહેલું છે. હાઈકોર્ટે હેબિયસ કોર્પસ પિટિશનને ફગાવી દેતાં અરજદારને છૂટ આપી હતી કે તે આ માગણીને લઇને સંબંધિત કોર્ટમાં અરજી કરી શકે છે.