IPL 2025 / શ્રેયસને 'શ્રેય'! લો સ્કોરિંગ મેચમાં પંજાબે મારી બાજી, KKR સામે 16 રનથી ભવ્ય વિજય

શરૂઆતમાં મજબુત દેખાતી KKRની ટીમ બાદમાં પત્તાની જેમ વિખેરાઇ ગઇ હતી,અને એક પછી એક વિકેટો પડતી ગઇ હતી.જો ટીમના સ્કોરની વાત કરવામાં આવે તો ડિકોક 2 રન બનાવીને આઉટ થઇ ગયો હતો.સુનિલ નારાયન 5 રન,કેપ્ટન રહાણે 17 રન,રગુવંશીએ 37 રન કર્યા હતા.બાદમાં રસલે ટીમની કમના સંભાળી હતી.પરંતું તે પણ આઉટ થઇ ગયો હતો અને પંજાબના બોલરોના શાનદાર પ્રદર્શનથી લો સ્કોરીગ મેચમાં પંજાબનો 16 રને વિજય થયો હતો

KKRના બોલરોના શાનદાર પ્રદર્શન

હર્ષિત રાણાના નેતૃત્વમાં બોલરોના શાનદાર પ્રદર્શનની મદદથી, KKR એ પંજાબને 15.3 ઓવરમાં 111 રનમાં ઓલઆઉટ કરી દીધું. પંજાબે ટોસ જીતીને પહેલા બેટિંગ કરવાનો નિર્ણય લીધો, પરંતુ KKR બોલરોએ શાનદાર બોલિંગ કરી જેના કારણે પંજાબની ટીમ પૂરી 20 ઓવર પણ રમી શકી નહીં. પંજાબ તરફથી ઓપનર પ્રભસિમરન સિંહે સૌથી વધુ રન બનાવ્યા. પ્રભસિમરન સિંહે ૧૫ બોલમાં બે ચોગ્ગા અને ત્રણ છગ્ગાની મદદથી ૩૦ રન બનાવ્યા.

PBKS સ્કોર કાર્ડ

પ્રથમ બેટિંગ કરતા, પ્રભસિમરન અને પ્રિયાંશ આર્યએ ટીમને સારી શરૂઆત અપાવી અને ટીમે માત્ર ત્રણ ઓવરમાં 30 રનનો આંકડો પાર કરી દીધો. જોકે, ચોથી ઓવર નાખવા આવેલા હર્ષિતે પ્રિયાંશને આઉટ કરીને પંજાબ માટે પ્રથમ સફળતા અપાવી, જે 12 બોલમાં ત્રણ ચોગ્ગા અને એક છગ્ગાની મદદથી 22 રન બનાવીને આઉટ થયો હતો. અહીંથી પંજાબની ટીમની વિકેટો પડી ગઇ અને તેમણે સતત વિકેટો ગુમાવી. સારા ફોર્મમાં રહેલા કેપ્ટન શ્રેયસ ઐયર પોતાનું ખાતું પણ ખોલાવી શક્યા નહીં.

પંજાબની બેટિંગ નબળી

પંજાબની બેટિંગ એટલી નબળી હતી કે ટીમના ફક્ત પાંચ બેટ્સમેન જ બે આંકડા સુધી પહોંચી શક્યા. પંજાબ તરફથી શશાંક સિંહે 18 રન બનાવ્યા, જેનાથી ટીમનો સ્કોર 100 થી વધુ થયો. ઝેવિયર બાર્ટલેટે 11, નેહલ વાઢેરાએ 10, ગ્લેન મેક્સવેલે 7, સૂર્યાંશ શેડગે 4 અને માર્કો જેનસેને 1 રન બનાવ્યો.અર્શદીપ સિંહ એક રન બનાવીને અણનમ પાછો ફર્યો.

હર્ષિત સૌથી સફળ બોલર

KKR તરફથી હર્ષિત સૌથી સફળ બોલર રહ્યો જેણે ત્રણ ઓવરમાં 25 રન આપીને ત્રણ વિકેટ લીધી. તેમના સિવાય વરુણ ચક્રવર્તી અને સુનીલ નારાયણે બે-બે વિકેટ લીધી, જ્યારે વૈભવ અરોરા અને એનરિચ નોર્ટજેને એક-એક વિકેટ મળી.

PBKS vs KKR: બંને ટીમોનો પ્લેઈંગ-11

પંજાબ કિંગ્સ: પ્રિયાંશ આર્ય, પ્રભસિમરન સિંઘ (વિકેટકીપર), શ્રેયસ ઐયર (કેપ્ટન), નેહલ વાઢેરા, જોશ ઈંગ્લિસ, શશાંક સિંઘ, ગ્લેન મેક્સવેલ, માર્કો જેન્સન, ઝેવિયર બાર્ટલેટ, અર્શદીપ સિંહ, યુઝવેન્દ્ર ચહલ.

કોલકાતા નાઈટ રાઈડર્સ : ક્વિન્ટન ડી કોક (વિકેટકીપર), સુનીલ નારાયણ, અજિંક્ય રહાણે (કેપ્ટન), વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, હર્ષિત રાણા, વૈભવ અરોરા, એનરિચ નોર્ટજે, વરુણ ચક્રવર્તી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ