Punjab Election Opinion Poll / પંજાબમાં ફરી વળશે ઝાડુ! આટલી સીટ જીતીને બનશે AAP ની સરકાર, જાણો સર્વેમાં કોંગ્રેસ ભાજપના હાલ

• પંજાબમાં થશે વિધાનસભાની ચૂંટણી 
• ઓપીનીયન પોલમાં આપનો વિજય 
• 50 થી 57 સીટો પર મેળવશે જીત 

પંજાબ વિધાનસભા ચૂંટણી અંગે એક ન્યૂઝ એજન્સીએ 21મી નવેમ્બરથી 20મી ડિસેમ્બર 2021 સુધી લોકોનો સંપર્ક કર્યો છે. આ ઓપિનિયન પોલમાં લગભગ દસ હજાર લોકોએ ભાગ લીધો હતો. આ ઓપિનિયન પોલમાં 117 સીટોવાળી પંજાબ એસેમ્બલીમાં આમ આદમી પાર્ટી 50 થી 57 સીટો પર જીત મેળવી રહી છે. જ્યારે સત્તાધારી કોંગ્રેસ પાર્ટી 40 થી 46 બેઠકો જીતીને રાજ્યમાં બીજા નંબરની સૌથી મોટી પાર્ટી બની રહી હોય તેવું લાગી રહ્યું છે.

કિસાન બિલને લઈને એનડીએથી અલગ થયેલા શિરોમણી અકાલી દળને 16થી 21 બેઠકો મળી રહી છે, જ્યારે ભારતીય જનતા પાર્ટી શૂન્યથી ચાર બેઠકો જીતતી જોવા મળી રહી છે.

કયા વિસ્તારમાં કોને કેટલી બેઠકો?

માઝા: આ વિસ્તારમાં કોંગ્રેસ અને AAP વચ્ચે નજીકની લડાઈ છે. આમ આદમી પાર્ટીને 11-13 સીટો મળી રહી છે. કોંગ્રેસને લગભગ 11 બેઠકો મળી રહી છે. શિરોમણી અકાલી દળને 5-6 બેઠકો મળી રહી છે. જ્યારે ભાજપને માત્ર એક બેઠકથી સંતોષ માનવો પડી શકે છે.

માલવાઃ આ પ્રદેશમાં આમ આદમી પાર્ટીને 31 સીટો મળી રહી છે. જ્યારે કોંગ્રેસને 20-26 બેઠકો મળી રહી છે. માલવામાં શિરોમણી અકાલી દળને 8-11 બેઠકો મળી રહી છે. જ્યારે ભાજપને બે બેઠકો મળવાની ધારણા છે.

દોઆબાઃ દોઆબમાં પણ કોંગ્રેસ અને આમ આદમી પાર્ટી વચ્ચે સીધો મુકાબલો છે. દોઆબમાં આમ આદમી પાર્ટીને 8-10 સીટો મળી રહી છે. જ્યારે કોંગ્રેસને નવ બેઠકો મળી રહી છે. અકાલી દળને અહીં ત્રણથી ચાર બેઠકો મળી રહી છે. જ્યારે બીજેપી માત્ર એક સીટ જીતી શકી હતી.

આ લોકોને ઓપિનિયન પોલમાં સામેલ કરવામાં આવ્યા હતા

સર્વેમાં સેમ્પલ સાઈઝ દસ હજાર લોકોનું છે આ સર્વેમાં 18 થી 25 વર્ષની વયજૂથના લગભગ દસ ટકા લોકો સામેલ હતા. જ્યારે 25 થી 35 વર્ષની વયજૂથના લગભગ ત્રીસ ટકા લોકો આ સર્વેમાં સામેલ હતા. 35 થી 45 વર્ષની વયજૂથના લગભગ 45 ટકા લોકો સામેલ હતા. પંદર ટકા લોકો 45 પ્લસ વય જૂથમાં હતા.

વોટ શેરમાં પણ AAP આગળ

સર્વેમાં આમ આદમી પાર્ટીને લગભગ 37.80 ટકા વોટ મળવાની ધારણા છે, જ્યારે કોંગ્રેસને 34.70 ટકા વોટ મળી શકે છે. શિરોમણી અકાલી દળ પાસે 20.5 ટકા વોટ શેર છે. બીજી તરફ ભાજપને 5 ટકા અને અન્યને બે ટકા વોટ મળશે.

કૃષિ કાયદાનો મુદ્દો સૌથી વધુ અસરકારક

પંજાબમાં કૃષિ કાયદાના મુદ્દાની ચૂંટણી પર સૌથી વધુ અસર થવાની છે. લગભગ 70 ટકા લોકો માને છે કે આ મુદ્દો અસર કરશે. જ્યારે 20 ટકા લોકો માને છે કે ચૂંટણીમાં કૃષિ કાયદાના મુદ્દાની કોઈ અસર નહીં થાય.

55 ટકા લોકો માને છે કે વર્તમાન સરકાર એવરેજ રહી 

પંજાબમાં કોંગ્રેસ સરકારને એવરેજ એટલે ખાસ સારું કે ખરાબ નહીં એવું રેન્કિંગ આપનારા લોકોની સંખ્યા લગભગ 55 ટકા છે. જ્યારે 25 ટકા લોકો માને છે કે કોંગ્રેસ સરકાર સારું કામ કરી રહી છે. જ્યારે 20 ટકા લોકો માને છે કે ખૂબ જ ખરાબ શાસન રહ્યું છે.

પંજાબ ચૂંટણીના મુખ્ય મુદ્દા શું છે?

મોંઘવારી: કૃષિ કાયદા સિવાય, પંજાબના 20 ટકા લોકો માને છે કે આ રાજ્યમાં મોંઘવારી સૌથી મોટો મુદ્દો હશે.

વિકાસઃ રાજ્યના 18 ટકા લોકો માને છે કે આ રાજ્યમાં વિકાસ મુખ્ય મુદ્દાઓમાંનો એક છે.

બેરોજગારી: 20 ટકા લોકો બેરોજગારીને ચૂંટણીનો મુખ્ય મુદ્દો માને છે.

ડ્રગ્સઃ રાજ્યના દસ ટકા લોકોના મતે ચૂંટણીમાં ડ્રગ્સ મુખ્ય મુદ્દો હશે.

શિક્ષણ: 15 ટકા લોકો માનતા હતા કે અહીં શિક્ષણ મુખ્ય મુદ્દો હશે.

હોસ્પિટલઃ દસ ટકા લોકો એવા પણ છે જેઓ હોસ્પિટલને ચૂંટણીનો મુખ્ય મુદ્દો માને છે.

અન્યઃ સાત ટકા લોકોના મતે પંજાબની ચૂંટણીમાં અન્ય ઘણા મુદ્દા અસરકારક રહેશે.

કઇ જ્ઞાતિ કયા પક્ષને મત આપે છે?

ઓબીસી

OBC જાતિઓનો સૌથી વધુ વોટ શેર લગભગ 35 ટકા સાથે આમ આદમી પાર્ટીના હિસ્સામાં આવી રહ્યો છે. જ્યારે કોંગ્રેસ તેનાથી માત્ર પાંચ ટકા ઓછી છે. કોંગ્રેસને 30 ટકા ઓબીસી મળે છે. ભાજપ ઓબીસી જાતિમાં 20 ટકા વોટ કમાવી રહ્યું છે જ્યારે શિરોમણી અકાલી દળ માત્ર 15 ટકા જ મેળવી શક્યું છે.

જાટ શીખ

આમ આદમી પાર્ટી જાટ શીખ જાતિના સૌથી વધુ 45 ટકા એકત્ર કરી રહી છે. જ્યારે કોંગ્રેસ માત્ર 25 ટકા જ જીતવામાં સફળ જણાય છે. અકાલી દળને 20 ટકા વોટ શેર મળી રહ્યા છે જ્યારે ભાજપ ગઠબંધનને 10 ટકા જાટ શીખ મતદારોનું સમર્થન મળી રહ્યું છે.

sc

આમ આદમી પાર્ટી પણ SC મતદારોમાં 40 ટકા વોટ જ્યારે કોંગ્રેસ સૌથી વધુ 48 ટકા મત મેળવવામાં સફળ દેખાઈ રહી છે. અકાલી દળનો હિસ્સો SC વોટના આઠ ટકા જ્યારે ભાજપ ગઠબંધનને માત્ર ચાર ટકા મળી રહ્યો છે.