પંજાબ / અડધી રાત્રે કાર્યવાહી, મુખ્યમંત્રીનાં ભત્રીજાની ધરપકડ, આઠ કલાક ચાલી પૂછપરછ

• Punjab મુખ્યમંત્રી ચરણજીત સિંહ ચન્નીની મુશ્કેલીઓ વધી
• ED દ્વારા તેમના ભત્રીજા ભૂપિંદર હનીની ધરપકડ
• હની દ્વારા ગભરામણની ફરિયાદ 

પંજાબમાં વિધાનસભા ચૂંટણી પહેલા મુખ્યમંત્રી ચરણજીત સિંહ ચન્નીની મુશ્કેલીઓ વધી ગઈ છે અને એન્ફોર્સમેન્ટ ડિરેક્ટોરેટ એટલે કે ED દ્વારા તેમના ભત્રીજા ભૂપિંદર હનીની ધરપકડ કરવામાં આવી છે.

પૂછપરછ બાદ હનીની ધરપકડ 
સૂત્રો પાસેથી મળેલી માહિતી મુજબ એન્ફોર્સમેન્ટ ડિરેક્ટોરેટે ભૂપિન્દર હનીને ગેરકાયદે રેતી ખનન કેસમાં પૂછપરછ માટે જાલંધરની ઓફિસમાં બોલાવ્યો હતો. પૂછપરછ પછી, ED તેના  જવાબોથી સંતુષ્ટ નહોતું અને હનીની ધરપકડ કરવામાં આવી હતી. આજે  હનીને મોહાલી કોર્ટમાં રજૂ કરવામાં આવી શકે છે.

#WATCH | "If a New Punjab has to be made, it is in the hands of the CM... You have to choose the CM this time. People at the top want a weak CM who can dance to their tunes. Do you want such a CM," said State Congress chief Navjot S Sidhu amid sloganeering by supporters. (03.02) pic.twitter.com/pNfQoMnHjk

— ANI (@ANI) February 4, 2022

સીએમ ઉમેદવારની જાહેરાત પહેલા મોટી કાર્યવાહી
પંજાબ માટે કોંગ્રેસ 6 ફેબ્રુઆરીએ પોતાના મુખ્યમંત્રી પદના ઉમેદવારની જાહેરાત કરવા જઈ રહી છે, જેમાં સીએમ ચરણજીત સિંહ ચન્ની અને પંજાબ કોંગ્રેસના અધ્યક્ષ નવજોત સિંહ સિદ્ધુના નામની ચર્ચા થઈ રહી છે. પંજાબ કોંગ્રેસના CM ના ચહેરાની રેસમાં ચરણજીત સિંહ ચન્નીનું નામ મોખરે છે.

ભૂપિન્દરના ઠેકાણેથી 10 કરોડની રોકડ મળી
EDએ થોડા દિવસો પહેલા મોહાલી અને લુધિયાણામાં ભૂપિન્દર હની અને તેના સહયોગીઓના ઠેકાણાઓ પર દરોડા પાડ્યા હતા. આ દરમિયાન 10 કરોડ રોકડા, 12 લાખની રોલેક્સ ઘડિયાળ, 21 લાખ રૂપિયાનું સોનું મળી આવ્યું હતું. ઇડીએ મોહાલીના વતન હનીના ઘરેથી રૂ. 8 કરોડ અને લુધિયાણામાં તેના ભાગીદાર સંદીપના ઠેકાણા પાસેથી રૂ. 2 કરોડ રિકવર કર્યા હતા.

Punjab CM Charanjit Singh Channi's nephew Bhupinder Singh Honey arrested by Enforcement Directorate (ED) from Jalandhar on Thursday evening following day-long questioning in an illegal sand mining case: Sources

— ANI (@ANI) February 4, 2022

EDએ હનીની મેડિકલ તપાસ કરાવી
સૂત્રોના જણાવ્યા અનુસાર ધરપકડ બાદ ભૂપિન્દર હનીએ ગભરામણની ફરિયાદ કરી હતી. આ પછી, EDની ટીમ તેને જલંધરની સિવિલ હોસ્પિટલમાં લઈ ગઈ, જ્યાં તેની તબીબી તપાસ કરવામાં આવી અને તે સંપૂર્ણ રીતે ફિટ જોવા મળ્યો હતો. હનીના તમામ રિપોર્ટ નોર્મલ આવ્યા હતા, ત્યારબાદ ED તેને ઓફિસ લઈ ગઈ હતી.

ગેરકાયદેસર રેતી ખનનના કેસ
2018માં નોંધાયેલા ગેરકાયદેસર રેતી ખનનના કેસમાં આ કાર્યવાહી કરવામાં આવી હતી. તત્કાલિન સીએમ કેપ્ટન અમરિંદર સિંહના હવાઈ પ્રવાસ દરમિયાન ગેરકાયદે રેતી ખનન પકડાયા બાદ આ મામલો બન્યો હતો. ત્યારબાદ પોલીસે રોપર પોલીસ સ્ટેશનમાં IPCની કલમ 379, 420, 465, 467, 468, 471 હેઠળ ગુનો નોંધ્યો હતો.