રાજકોટના નીલ સીટી ક્લબ ખાતે પંજાબના મુખ્યમંત્રી ભગવંત માને હાજરી આપી હતી અને તેમણે ખેલૈયાઓને ઉત્સાહિત કરવા માટે પંજાબી સ્ટાઇલમાં રાસ લીધા હતા. તો રાધવ ચઢ્ઢા પણ વડોદરામાં ગરબાના રંગે રંગાયા.
રાજકીય નેતાઓ પણ ખેલૈયાઓની સાથે ગરબાના રંગે રંગાયા
રાજકોટમાં પંજાબના CM ભગવંત માન ગરબે રમ્યા
રાઘવ ચઢ્ઢાએ વડોદરામાં ગરબા રમવાનો લ્હાવો લીધો
ગુજરાત વિધાનસભાની ચૂંટણીની તડામાર તૈયારીઓ થઈ રહી છે ત્યારે દિલ્હીથી રાષ્ટ્રીય નેતાઓ હવે ગુજરાતની મુલાકાતે આવી રહ્યા છે અને પોતાનું શક્તિ પ્રદર્શન દેખાડી રહ્યા છે. આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ તથા પંજાબના મુખ્યમંત્રી ભગવંત માન સહિતના સિનિયર આગેવાનો બે દિવસીય ગુજરાતના પ્રવાસે આવ્યા છે. ત્યારે પંજાબના મુખ્યમંત્રી ભગવંત માને ગઈકાલે રાજકોટમાં એક ગરબા કાર્યક્રમમાં હાજરી આપી હતી. તો ગુજરાત પ્રદેશ સહ-પ્રભારી રાઘવ ચઢ્ઢા વડોદરામાં ગરબે ઘુમ્યા હતા.
રાજકીય નેતાઓ પણ ખેલૈયાઓની સાથે ગરબાના રંગે રંગાઈ રહ્યા
હાલ મા આધ્યા શક્તિની આરાધનાનો મહાપર્વ ચાલી રહ્યો છે, ત્યારે રાજકીય નેતાઓ પણ ખેલૈયાઓની સાથે ગરબાના રંગે રંગાઈ રહ્યા છે. ગુજરાતના પ્રવાસે આવેલા પંજાબના મુખ્યમંત્રી ભગવંત માને ગઈકાલે રાજકોટમાં ગરબાની મોજ માણી હતી.
રાજકોટમાં મુખ્યમંત્રી માન પંજાબી સ્ટાઈલમાં રમ્યા ગરબા
રાજકોટ ખાતે આવેલા નીલ સીટી ક્લબમાં પંજાબના મુંખ્યમંત્રી ભગવંત માને હાજરી આપી હતી અને તેમણે મા અંબાની આરતી ઉતરી હતી. જે બાદ ખેલૈયાઓને ઉત્સાહિત કરવા માટે પંજાબી સ્ટાઇલમાં ગરબા રમ્યા હતા. આ વેળાએ તેમની સાથે ઈન્દ્રનીલ રાજ્યગુરુ પણ હાજર રહ્યા હતા. ભગવંત માનનાં પંજાબી સ્ટાઇલના ગરબા જોઈને AAPના નેતા ઈન્દ્રનીલ રાજ્યગુરુ પણ ખડખડાટ હસી પડ્યા હતા.
ગુજરાત પ્રદેશ સહ-પ્રભારી રાઘવ ચઢ્ઢા ગરબે ઘુમ્યા
તો છઠ્ઠા નોરતાએ વડોદરા ખાતે રાજ્યસભા સાંસદ તથા 'આપ' ગુજરાત પ્રદેશ સહ-પ્રભારી રાઘવ ચઢ્ઢાએ ગરબા રમવાનો લ્હાવો લીધો. રાઘવ ચઢ્ઢાએ ગરબા રમી માં અંબાના આશીર્વાદ લઈ આરતી કરી હતી. તેમની સાથે ગોપાલ ઈટાલીયા પણ હાજર રહ્યા હતા.