પંજાબમાં આજે વિધાનસભા ચૂંટણીનું પરિણામ આવી રહ્યા છે. જેમાં આપ આદમી પાર્ટી સૌથી આગળ ચાલી રહી છે. જો કે, આ ચૂંટણીમાં કોંગ્રેસ પાર્ટીને સૌથી મોટો ઝટકો લાગ્યો છે.
પંજાબમાં પરિવર્તનની લહેર દેખાઈ
પાંચ રાજ્યોમાં આજે ચૂંટણી પરિણામ
પંજાબની પાંચ સીટો પર સૌની નજર
પંજાબ વિધાનસભા ચૂંટણીમાં 5 સીટો એવી છે, જેના પર સમગ્ર દેશની નજર ટકેલી છે. અહીંના પરિણામો નવજોત સિદ્ધુ અને કેપ્ટન અમરિંદર સિંહના રાજકીય કરિયરનો નિર્ણય કરશે. આમ આદમી પાર્ટીને બહુમત ન મળ્યો હોય તો, 2 વારના સાંસદ ભગવંત માન પાસેથી સીએમની તાજ દૂર જઈ શકે છે.
પૂર્વ મુખ્યમંત્રી કેપ્ટન અમરિંદર સિંહ પણ પાછળ
શિરોમણી અકાલી દળના પ્રકાશ સિંહ બાદલ લંબી વિધાનસભા બેઠક પર, ભદૌર અને ચમકૌર સાહિબ બેઠક પરથી કોંગ્રેસના ચરણજીત સિંહ ચન્ની, પટિયાલા અર્બન બેઠક પરથી કેપ્ટન અમરિંદર સિંહ અને અમૃતસર પૂર્વ બેઠક પરથી કોંગ્રેસના નવજોત સિંહ સિદ્ધુ મત ગણતરીમાં પાછળ ચાલી રહી છે.
મુખ્યમંત્રી ચરણજીતસિંહ ચન્ની આપી શકે રાજીનામું
મતગણતરી વચ્ચે પંજાબના મુખ્યમંત્રી ચરણજીતસિંહ ચન્ની રાજીનામું આપી શકે છે. ચંદીગઢ સ્થિત પોતાના સરકારી આવાસ પર પહોંચ્યા છે. ટુંક સમયમાં જ રાજ્યપાલને મળીને રાજીનામું સોંપી શકે છે.
ભગવંત માનની આગેવાની હેઠળની સરકાર બનશે
એક્ઝિટ પોલ્સ અનુસાર, અરવિંદ કેજરીવાલની આગેવાનીવાળી આમ આદમી પાર્ટી (AAP) મુખ્ય દાવેદાર તરીકે ઉભરી રહી છે, જ્યારે કોંગ્રેસ સત્તા જાળવી રાખવા માટે સખત લડત આપી રહી છે. પણ ઘણું ખરું સ્પષ્ટ થઈ ગયું છે કે પંજાબમાં ભગવંત માનની આગેવાની હેઠળની સરકાર બનશે.
AAP બનાવશે સરકાર
ચૂંટણીના પરિણામો સીઇઓ પંજાબની સત્તાવાર વેબસાઇટ પર જાહેર કરવામાં આવશે. તેમજ મતદાર હેલ્પલાઈન મોબાઈલ એપ્લિકેશન પરથી પણ પરિણામો મેળવી શકાશે.
ચૂંટણી પંચની સત્તાવાર વેબસાઇટ અનુસાર, આ સમાચાર લખાય છે ત્યાં સુધી, Punjab Election Results ના પ્રારંભિક વલણમાં, આમ આદમી પાર્ટી (AAP) પંજાબમાં 59નો બહુમતીનો આંકડો પાર કરીને 64 બેઠકો પર આગળ છે. બીજી તરફ કોંગ્રેસ 8, શિરોમણી ગઠબંધન 5 અને ભાજપ ગઠબંધન 3 બેઠકો પર આગળ છે.
સોનૂ સુદને લાગી શકે છે મોટો ઝટકો
કોરોના કાળમાં મસીહા બનીને ઉભરેલા બોલિવૂડ સ્ટાર સોનૂ સુદની રાજકીય ઈનિગ્સ શરૂ થાય તે પહેલા જ ખત્મ થઈ જશે. તો વળી જો સીએમ ચરણજીત સિંહ ચન્ની બીજી સીટ પરથી પણ ચૂંટણી હારી ગયા તો, કોંગ્રેસની દલિત પોલિટિક્સને મોટો ઝટકો લાગી શકે છે.
મોગાની સીટ પરથી બહેનને ટિકિટ મળી
બોલિવૂડ એક્ટર સ્ટાર સોનૂ સુદની બહેન માલવિકા સૂદ કોંગ્રેસની ટિકિટ પર પોતાની પ્રથમ ચૂંટણી લડી રહી છે. સોનૂ સુદના કારણે કોંગ્રેસે પોતાના સિટિંગ MLA હરજોત કમલની ટિકિટ કાપી નાખી હતી.
અત્યાર સુધીનો રેકોર્ડ
અત્યાર સુધી મોગા સીટ પર 15 ચૂંટણીમ થઈ છે, જેમાં 12 વખત કોંગ્રેસ જીતી છે. 3 વાર અકાલી દળ સફળ રહ્યું છે. 2017માં કોંગ્રેસની ટિકિટ પર હરજોત કમલ 1,764 વોટથી જીત્યા હતા.
સોનૂ સુદની બહેન માલવિકા જો આ ચૂંટણી જીતી જશે,તો ઈનડાયરેક્ટ રીતે સોનૂ સુદની રાજનીતિમાં એન્ટ્રી થઈ જશે. તે પંજાબમાં વધારે એક્ટિવ દેખાશે. તો વળી જો માલવિકા હારી ગઈ તો, સોનૂ સુદને મોટો ઝટકો લાગશે.