VIDEO / નશામાં ધૂત મહિલાનો વીડિયો વાયરલ થતાં હડકંપ મચ્યો: પોલીસે સર્ચ ઓેપરેશન કરી કેટલાય લોકોને અરેસ્ટ કર્યા

• પંજાબમાંથી એક વીડિયો વાયરલ થયો
• નશામાં ધૂત મહિલાનો વીડિયો સામે આવ્યો
• પોલીસે સર્ચ ઓપરેશન કરી કેટલાયને પકડી પાડ્યા

પંજાબમાંથી નશામાં ધૂત એક મહિલાનો વીડિયો સામે આવ્યો છે. જે બાદ રાજ્યમાં નશીલા પદાર્થોના સેવનને લઈને ચિંતાઓ ફરી એક વાર વધી ગઈ છે. આ વીડિયોમાં મહિલા નશાની હાલતમાં દેખાઈ રહી છે. હાલત એવી છે કે, આ મહિલા સીધી ઊભી પણ રહી શકતી નથી. તેના પોશાક પરથી આ મહિલા નવવિવાહીત લાગી રહી છે. કહેવાય છે કે, આ મહિલાએ નશાના ઈંજેક્શન લગાવ્યા હતા. ત્યાર બાદ તેની હાલત એટલી ખરાબ થઈ ગઈ છે, તે વ્યવસ્થિત ચાલી પણ શકતી નહોતી અને યોગ્ય રીતે ઊભી પણ રહી શકતી નહોતી. તે જમીન પર વારંવાર લડખડાતી હતી. તેના પગ ડગમગાઈ રહ્યા હતા. આ મહિલાઓ ઉંમર પણ ખૂબ નાની હોવાનું કહેવાય છે. જો કે તે કોણ છે અને નશાના ઈંજેક્શન તેના સુધી કેવી રીતે પહોંચ્યા તેને લઈને કોઈ જાણકારી સામે આવી નથી.

Amritsar, Punjab ⚡This painful video is from the orphan village - Maqboolpura - a village known for drug related deaths.

The girl has nearly no motor balance (unable to to stand on her feet properly) due to drug overdose.

अमृतसर, pic.twitter.com/6qgVxbMRi2

— a.s.chakravarty (@ajeetkcs) September 12, 2022

ત્રણ આરોપીની ધરપકડ

સર્ચ ઓપરેશન દરમિયાન પોલીસને મોટી સફળતા મળી છે. પોલીસે નશાના કારોબાર સાથે જોડાયેલા 15 જેટલા યુવકોની ધરપકડ કરી છે. આ ઉપરાંત ત્રણ આરોપીને જેલમાં પુરી દીધા છે. જેમની પાસેથી કેટલાય હજાર રૂપિયા અને 118 ગ્રામ ડ્રગ્સ જપ્ત કર્યું છે. પોલીસે ચોરાયેલા પાંચ વાહનો પણ જપ્ત કર્યા છે. વાયરલ વીડિયોમાં દેખાઈ રહેલી મકબૂલપુરાની યુવતીની શોધ કરવાની કોશિશ કરી રહી છે. જો કે, તેના વિશે કોઈ જાણકારી મળી નથી. ન તો એ સાબિત થયું છે કે, તેણે ઈંજેક્શન લીધા હતા કે નહીં. અમૃતસરના પૂર્વ ક્ષેત્રનું પ્રતિનિધિત્વ કરતા આપ ધારાસભઅય જીવનજોત કૌરે કહ્યું કે, આ મામલે હાલમાં તપાસ ચાલી રહી છે.