હલકી માનસિકતા / રહી રહીને જાગી પોલીસ, પાટણમાં વાદી વસાહતમાં યુવતી સાથે અમાનુષી અત્યાચાર બાબતે મોટી કાર્યવાહી

• પાટણમાં યુવતીને પ્રેમ કરવાની આપી સજા
• યુવતીનું મુંડન કરી મોં કાળું કરાયું
• પ્રેમ કરવાની આવી સજા કેમ?

પાટણના હારીજ ગામની પાસે આવેલ વાદી વસાહતમાં એક યુવતીને પ્રેમ કરવો ભારે પડ્યો હતો વાદી વસાહતમાં રહેતી યુવતીની સગાઈ થઈ ગયેલ હોવા છતાં તેને તેનાજ સમાજનાં વિપુલ વાદી નામનાં બીજા યુવાન સાથે પ્રેમ કરતા અને તે પ્રેમ પ્રકરણ પકડાઈ જતા વાદી સમાજે તેમના વાદી સમાજના નિયમ પ્રણાલી પ્રમાણે આ યુવતીને તાલિબાની સજા આપી હતી વાદી સમાજે આ યુવતીના વાળ કાપી મુંડન કરી નાખ્યું હતું ત્યારબાદ આ યુવતીનું કલાડીથી મોઢું કાળું કર્યું હતું અને હાથ પાછળ બાંધી દિધા હતા ત્યારબાદ તેને કોથળો પહેરાવી માથે સળગતી સગડી મૂકી ગામમાં બળજબરીથી ફેરવવામાં આવી હતી અને ભારે અપમાનિત કરવામાં આવી હતી 

ત્રણ દિવસ બાદ મીડિયામાં ખબર આવતા જાગી પોલીસ
જોકે આ સમગ્ર તમાસમાં ગામના લોકો સાથે વાદી સમાજની મહિલાઓ પણ જોડાઈ હતી જોકે આ સમગ્ર ઘટનાનો વિડીયો ત્રણ દિવસ બાદ સોશ્યલ મિડીયામાં વાઈરલ થતા પાટણ એસપી અને કલેકટર દૌડતા થઈ જવા પામ્યા હતા અને તાત્કાલિક તપાસના આદેશ આપતા 17 જેટલા વાદી સમાજનાં ઈસમોને હારીજ પોલીસ સ્ટેશને લાવવામાં આવ્યા હતા તો સમગ્ર ઘટનાનું મોનિટરિંગ ખુદ પાટણ કલેકટર સુપ્રિતસિંગ ગુલાટી અને એસપી અક્ષયરાજ મકવાણાએ કર્યું હતું હાલતો પોલીસે વિડીયોમાં દેખાતા ઈસમોને એકબાદ એકનો અટકાયતી દોર ચાલુ કરવામાં આવ્યો છે 

આરોપીઓ સામે કડક કાર્યવાહી થશે:અક્ષયરાજ મકવાણા (એસપી - પાટણ )
એસપી જણાવ્યું હતુંકે આ ઘટનામાં સખતમાં સખત દાખલા રૂપ કાર્યવાહી કરવામાં આવશે આવી ઘટના કોઈપણ સંજોગોમાં ચલાવી લેવામાં નહીં આવે હાલ તપાસ ચાલુ છે યુવતીનું નિવેદન લેવામાં આવશે અને યુવતીનું સ્કૂલ સર્ટિફિકેટ ચેક કરીને ઉંમર ચેક કરવામાં આવશે અને જવાબદારો સામે એફઆઈઆર નોંધી કડક હાથે કાર્યવાહી કરવામાં આવશે તે પ્રકારની વાત એસપીએ મિડિયા સમક્ષ કરી હતી જોકે સમગ્ર ઘટનામાં હારીજ પોલીસ ઊંઘતી ઝડપાઇ છે તેના નાક નીચે આવડી મોટી ઘટના બની ત્રણ દિવસ વીતી ગયા છતાં પણ અજાણ રહી તે બાબત હારીજ પોલીસ ઉપર શંકા ઉપજાવે છે મીડિયામાં અહેવાલ આવ્યા બાદ હારીજ પોલીસ સફાળી જાગી ત્યારે આ કાર્યવાહી થતાં 

કયા સુધી સમાજના રહેશે આવી તાલિબાની માનસિકતા
વાદી સમાજનો નિયમ છે કે કોઈ યુવતી સગાઈ બાદ પ્રેમ કરે તો તેના વાળ કાપી માથે મુંડન કરી મોઢું કાળું કરી માથે સળગતો ચૂલો બનાવી હાથ બાંધી ગામમાં ફેરવવાથી તે પવિત્ર થઈ જાય છે

VTV ગુજરાતીના સળગતા સવાલ

• શુ આ દેશમાં પ્રેમ કરવો ગુનો છે ?
• 21મી સદીમાં મહિલાઓ પર આવો અત્યાચાર કેમ?
• સમાજના અમાનવીય અત્યાચારના નિયમોમાં ક્યારે કરાશે સુધારો ?
• આપણા અને તાલિબાનીઓમાં કોઈ અંતર ખરું ?
• આવી ઘટનાઓ પર તુરંત એક્શન કેમ નથી લેતી સરકાર ?
• અમાનવીય અત્યાચારીઓને ક્યારે કરાશે સજા?
• આટલી મોટી ઘટના ઘટી ત્યારે પોલીસ ક્યાં હતી ?