અરવલ્લી જિલ્લામાં પ્રેમી-પંખીડાને તાલિબાની સજા આપતો એક વીડિયો સામે આવ્યો છે. આજે પણ ખાપ પંચાયતો દ્વારા આ પ્રકારની સજા આપવામાં આવે છે તે ચોંકાવનારી ઘટના છે. અરવલ્લીના અંતરિયા ગ્રામિણ વિસ્તારમાં પ્રેમી-પ્રેમીકા ભાગી ગયા હતા. જોકે બાદમાં ગ્રામજનો દ્વારા પ્રેમી પંખીડાને પકડીને ગામમાં લાવવામાં આવ્યા હતા. અને બાદમાં ગ્રામજનોએ એકઠા મળીને આ પ્રેમી પંખીડાને સજા આપી. પહેલા બન્નેને જુતાનો હાર પહેરાવ્યો. અને બાદમાં બન્નના મો કાળા કરીને ગામમાં ફેરવવામાં આવ્યા. જોકે અહીં સવાલ એ છે કે કાયદો અને પોલીસ સ્ટેશન હોવા છતાં આ પ્રકારની સજા કેમ આપવામાં આવશે. ખાપ પંચાયતોને આ પ્રકારની સજા આપવાનો અધિકાર કોણે આપ્યો. અને સૌથી મોટો સવાલ એ છે કે શું પ્રેમ કરવો કોઈ મોટો ગુનો છે. 21મી સદીમાં પહોંચી ગયા બાદ આજે પણ આવા વિચારો કેમ જીવંત છે.