સારા સમાચાર / ઓક્સફર્ડે રિસર્ચ કરેલી કોરોનાની રસીનું ઉત્પાદન ફક્ત આટલા અઠવાડિયામાં ભારતમાં શરૂ

• શરુઆતના 6 મહિના 50 લાખ ડોઝ પ્રતિ મહિનો અને પછી 1 કરોડ ડોઝ પ્રતિ મહિનાની ઝડપે ઉત્પાદન કરવાની યોજના
• ભૂતકાળમાં પણ ઓક્સફર્ડ યુનિવર્સીટી સાથે મેલેરિયાની રસી બનાવવા માટે સાથે કામ કર્યું છે
• પરવાનગીઓ માટે સરકારની ICMR ડિપાર્ટમેન્ટ ઓફ બાયોટેક્નોલોજી જેવી સંસ્થાઓ સાથે સંપર્કમાં

સિરમ ઇન્સ્ટિટ્યૂટના CEO આદર પુનાવાલાએ જણાવ્યું હતું કે તેઓ ઓક્સફર્ડના વૌજ્ઞાનિક ડોક્ટર હિલ સાથે મળીને વિશ્વની 7 સંસ્થાઓમાંથી એક બનવા જઈ રહ્યાં છે જે આ રસીનું ઉત્પાદન કરવાના છે. શરુઆતના 6 મહિના 50 લાખ ડોઝ પ્રતિ મહિનો અને પછી 1 કરોડ ડોઝ પ્રતિ મહિનાની ઝડપે ઉત્પાદન કરવાની યોજના ધરાવે છે. 

નોંધનીય છે કે સિરમ ઇન્સ્ટિટ્યૂટે ભૂતકાળમાં પણ ઓક્સફર્ડ યુનિવર્સીટી સાથે મેલેરિયાની રસી બનાવવા માટે સાથે કામ કર્યું છે. તેમના મતે ઓક્સફર્ડમાં વિશ્વના સૌથી સામર્થ્ય ધરાવતા વૈજ્ઞાનિકો આ રોગ સામે કામ કરી રહ્યા છે. જો હ્યુમન ટ્રાયલ સફળ જશે અને રસી અસરકારક અને સુરક્ષિત સાબિત થશે તો ભારતને આ ઉત્પાદનથી ખૂબ ફાયદો થશે. 

નોંધનીય છે કે ભારતમાં પણ 2-3  અઠવાડિયામાં હ્યુમન ટ્રાયલ શરુ થશે. UKમાં પણ ટૂંક સમયમાં મોટા પાયે હ્યુમન ટ્રાયલ શરુ કરવામાં આવ્યા છે. શરૂઆતથી જ ઉત્પાદનનો પ્રારંભ કરી દેવાથી તેનો પૂરતો પુરવઠો મળી રહેશે. આ ટ્રાયલ અને તેની પરવાનગી માટેની એપ્રુવલ લેવાની પ્રક્રિયા અત્યારે ચાલી રહી છે. આ માટે ભવિષ્યમાં બીજા રોકાણકરો પણ મળી જશે જેથી ઉત્પાદનને વેગ મળશે તેવી આશા છે. 

આ રસીઓ પુણેમાં જ ઉત્પાદિત થશે તેવી યોજના છે. આ માટેનું બાંધકામ પૂર્ણ થતા બે ત્રણ વર્ષે લાગી શકે છે. આ માટેની પરવાનગીઓ માટે તેઓ સરકારની ICMR ડિપાર્ટમેન્ટ ઓફ બાયોટેક્નોલોજી જેવી સંસ્થાઓ સાથે સંપર્કમાં છે. 

તેમણે અગાઉ પણ કહ્યું છે કે તેઓ આ રસીની પેટન્ટ રજીસ્ટર નહીં કરાવે. તેમને આશા છે કે વિશ્વમાં કોઈ કંપની અત્યારે આ રસીની પેટન્ટ નહીં કરાવે જે ઉત્પાદક ઈચ્છે તે આ રસીનું ઉત્પાદન કરી શકે જેથી વધુ ઉત્પાદન થાય અને ઝડપથી ને ઝડપથી આ રસી લોકો સુધી પહોંચી શકે. નોંધનીય છે કે વિશ્વભરમાં કોવિડ 19ને લીધે 2 લાખથી વધુ મોત થઇ ચુક્યા છે અને 28 લાખ લોકોને તેનો ચેપ લાગી ચુક્યો છે.